Ўзбекистон республикасининг бюджет кодекси ўзбекистон Республикасининг

52-модда. Қорақалпоғистон Республикаси бюджетининг,
вилоятлар ва Тошкент шаҳар маҳаллий бюджетларининг
даромадларини шакллантириш

Қорақалпоғистон Республикаси бюджетининг, вилоятлар ва Тошкент шаҳар маҳаллий бюджетларининг даромадлари:

1) белгиланган нормативларга мувофиқ умумдавлат солиқлари, шу жумладан:
юридик шахслардан олинадиган фойда солиғи;


Қаранг: СКнинг V бўлими

ягона солиқ тўлови;

Қаранг: СКнинг 56-боби

жисмоний шахслардан олинадиган даромад солиғи;

Қаранг: СКнинг VI бўлими

тадбиркорлик фаолиятининг айрим турлари бўйича қатъий белгиланган солиқ;

Қаранг: СК 370-моддаси биринчи қисмининг биринчи, иккинчи хатбошилари, 371, 372, 374-моддалари

қўшилган қиймат солиғи;

Қаранг: СКнинг VII бўлими

акциз солиғи;

Қаранг: СКнинг VIII бўлими

ер қаъридан фойдаланганлик учун солиқ;

Қаранг: СКнинг IX бўлими

сув ресурсларидан фойдаланганлик учун солиқ;

Қаранг: СКнинг X бўлими

2) маҳаллий солиқлар ва бошқа мажбурий тўловлар, шу жумладан:

ободонлаштириш ва ижтимоий инфратузилмани ривожлантириш солиғи;


Қаранг: СКнинг XIII бўлими

транспорт воситаларига бензин, дизель ёқилғиси ва газ ишлатганлик учун олинадиган солиқ;

Қаранг: СКнинг XIV бўлими

мол-мулк солиғи;

Қаранг: СКнинг XI бўлими

ер солиғи;

Қаранг: СКнинг XII бўлими

ягона ер солиғи;

Қаранг: СКнинг 57-боби

айрим турдаги товарлар билан чакана савдо қилиш ҳуқуқи ва айрим турдаги хизматларни кўрсатиш учун йиғим;

Қаранг: СКнинг XIX бўлими

3) юридик ва жисмоний шахслардан, шунингдек чет давлатлардан тушган қайтарилмайдиган пул тушумлари;

4) бозорлардан тушадиган даромадлар;


Қаранг: СКнинг 62-боби

5) бошқа даромадлар ҳисобидан шакллантирилади. Бошқа даромадларга давлат даромадига ўтказилган мол-мулкни реализация қилишдан тушган тушумлар, давлат активларини жойлаштиришдан, фойдаланишга беришдан ва сотишдан белгиланган нормативлар бўйича олинган даромадлар, қонун ҳужжатларига мувофиқ Қорақалпоғистон Республикаси бюджетига, вилоятлар ва Тошкент шаҳар маҳаллий бюджетларига йўналтириладиган давлат божлари, йиғимлар, товон пуллари ва жарима санкциялари, эгасиз мол-мулкни, мерос ҳуқуқи бўйича давлат ихтиёрига ўтган мол-мулкни, ҳуқуқ бўйича давлат даромадига ўтказилиши лозим бўлган хазиналарни реализация қилишдан тушган тушумлар, маҳаллий давлат ҳокимияти органларининг улуши бўйича дивидендлар (даромадлар) ва қонун ҳужжатларига мувофиқ бошқа даромадлар киради. (ЎзР 13.06.2017 й. ЎРҚ-436-сон Қонуни таҳриридаги банд)

Ўзбекистон Республикасининг республика бюджетидан ажратиладиган субвенциялар, ўтказиб бериладиган даромадлар ва дотациялар Қорақалпоғистон Республикаси республика бюджетининг, вилоятлар вилоят бюджетларининг ва Тошкент шаҳри шаҳар бюджетининг даромадлари ҳисобланади.
Сув ресурсларидан фойдаланганлик учун солиқ, тадбиркорлик фаолиятининг айрим турлари бўйича қатъий белгиланган солиқ, Ўзбекистон Республикасида ишлаб чиқариладиган пиво ва ўсимлик ёғи учун акциз солиғи Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари даромадларига ўтказиб берилади.