Ўзбекистон республикасининг бюджет кодекси ўзбекистон Республикасининг

68-модда. Ўзбекистон Республикаси томонидан
кўрсатиладиган беғараз ёрдам

Ўзбекистон Республикасининг беғараз ёрдам кўрсатиши тўғрисидаги қарор Ўзбекистон Республикаси Президенти томонидан қабул қилинади.

Ўзбекистон Республикаси номидан беғараз ёрдам кўрсатган ваколатли орган ҳисобот йилидан кейинги йилнинг 1 мартигача Ўзбекистон Республикаси Молия вазирлигига молиявий ҳисоботлар тақдим этади.
V БЎЛИМ.
БЮДЖЕТ ТИЗИМИ БЮДЖЕТЛАРИНИНГ
ХАРАЖАТЛАРИ

13-боб. Давлат бюджети харажатлари (69 - 73-моддалар)

14-боб. Давлат мақсадли жамғармаларининг
харажатлари (74 - 80-моддалар)
15-боб. Бюджет ташкилотларининг бюджетдан
ташқари жамғармалари харажатлари (81-82-моддалар)
13-БОБ. ДАВЛАТ БЮДЖЕТИ ХАРАЖАТЛАРИ

69-модда. Давлат бюджети харажатларининг таркиби

70-модда. Ўзбекистон Республикаси республика
бюджетининг харажатлари
71-модда. Қорақалпоғистон Республикаси республика
бюджетининг, вилоятлар вилоят бюджетларининг ва
Тошкент шаҳри шаҳар бюджетининг харажатлари
72-модда. Туманлар ва шаҳарлар бюджетларининг харажатлари
73-модда. Ўзбекистон Республикаси Вазирлар Маҳкамасининг,
Қорақалпоғистон Республикаси республика бюджетининг,
вилоятлар вилоят бюджетларининг ва Тошкент шаҳри
шаҳар бюджетининг захира жамғармалари
69-модда. Давлат бюджети харажатларининг таркиби

Давлат бюджетининг харажат қисми қуйидагилардан иборат:

ижтимоий соҳа ва аҳолини ижтимоий қўллаб-қувватлаш харажатлари;


Қаранг: БюК 70-моддасининг 1-банди

нодавлат нотижорат ташкилотларини ва фуқаролик жамиятининг бошқа институтларини давлат томонидан қўллаб-қувватлаш харажатлари;

Қаранг: БюК 70-моддасининг 2-банди

иқтисодиёт харажатлари;

Қаранг: БюК 70-моддасининг 3-банди

марказлаштирилган инвестицияларни молиялаштириш харажатлари;

Қаранг: БюК 70-моддасининг 4-банди

давлат ҳокимияти ва бошқаруви органларини сақлаб туриш харажатлари;

Қаранг: БюК 70-моддасининг 5-банди

судларни, адлия ва прокуратура органларини сақлаб туриш харажатлари;

Қаранг: БюК 70-моддасининг 6-банди

фуқароларнинг ўзини ўзи бошқариш органларини сақлаб туриш харажатлари;

Қаранг: БюК 72-моддасининг 4-банди

бошқа харажатлар.

Қаранг: БюК 70-моддасининг 8-банди

Давлат бюджетининг харажат қисми таркибида Ўзбекистон Республикаси Вазирлар Маҳкамасининг, Қорақалпоғистон Республикаси республика бюджетининг, вилоятлар вилоят бюджетларининг ва Тошкент шаҳри шаҳар бюджетининг захира жамғармалари ҳисобга олинади.