Ўзбекистон Республикаси Вазирлар Маҳкамасининг 021-йил 2-мартдаги 78-ф-сонли буйруғи ҳамда ОЎмтвнинг 2021 йил мартдаги 122-сон буйруғининг 3-иловасига мувофиқ

Ўзбекистон Республикаси Вазирлар Маҳкамасининг 2021-йил 2-мартдаги 78-Ф-сонли буйруғи ҳамда ОЎМТВнинг 2021 йил 6 мартдаги 122-сон буйруғининг 3-иловасига мувофиқ Тошкент Молия институтида 2021-йил 28-октябрда “ИННОВАЦИОН МЕНЕЖМЕНТНИ РИВОЖЛАНТИРИШНИНГ ДОЛЗАРБ МАСАЛАЛАРИ” мавзусида Вазирлик миқёсидаги илмий-амалий анжуман бўлиб ўтади


АХБОРОТ ХАТИ
Анжуманнинг мақсади - ИННОВАЦИОН МЕНЕЖМЕНТНИ РИВОЖЛАНТИРИШ муаммоларни ҳал етиш бўйича илмий - амалий таклиф ва тавсиялар ишлаб чиқишдан иборат.
Анжуманда Республика ва Хорижий ОТМлари профессор-ўқитувчилари, академиялар, илмий-тадқиқот муассасалари, иқтисодиёт тармоқ ва соҳалар мутахассислари, шунингдек, менежмент ва маркетинг соҳаси мутахассислари, таянч докторантлар, мустақил тадқиқотчилар ва бакалавриат ҳамда магистиратура иқтидорли талабалари иштирок этади.
Конференцияда қуйидаги бўлимлар кўзда тутилган:
1-шўъба. Учинчи Ренессанс: Давлат ва иқтисодиётни бошқаришда инновацион менежментни ривожлантириш: муаммо ва ечимлар.
2-шўъба. Иқтисодиётни ривожлантиришнинг янги босқичида молия-банк тизимини инновацион бошқаришнинг асосий тенденциялари.
3-шўъба. Инновацион иқтисодиётни шакллантириш шароитида маркетингни ташкил этиш ва бошқариш.
4-шўъба. Иқтисодиёт тармоқ ва соҳаларида инновацион менежментни ривожлантириш: назария ва амалиёт.
5-шўъба. Сунъий интеллект: Рақамли иқтисодиётни шакллантириш шароитида АКТ.
Конференцияда иштирок этиш учун тезислари ўзбек, рус ва инглиз тилларида бўлимлар бўйича белгиланган вазифалар доирасида қабул қилинади, тезислар тўплам шаклида чоп этилади ҳамда муаллифларга электрон (pdf) шаклда тақдим этилади.
Илмий тезислар қуйидаги талабларга жавоб бериши керак: тезис матни 3-4 бет ҳажмда бўлиб, 1,5 см оралиқда (чап томонда 3 см, юқори томонда 2.0 см, пастда 2.0 см, ўнг томонда 1.5 см), Microsoft Wорд, Times Неw Roman шрифти 14 кегелда ёзилиши керак. Тезиснинг номи бош ҳарфлар билан ёзилади, 2 интервалдан сўнг муаллифнинг исми ва фамилияси тўлиқ, илмий унвони ва илмий даражаси, иш жойи (компания, бўлим, бўлим номи, телефон рақамлари) ва лавозими кўрсатилади. Тезислар манбаларга ҳаволаларни ўз ичига олиши керак.
Тезислар жорий йилнинг 25 октябрга қадар қуйидаги манзил ва телеграм рақамларида электрон шаклда қабул қилинади. Таҳририят томонидан нашрга тавсия этилган тезислар тўпламга киритилади. Юқоридаги талабларга жавоб бермайдиган ва белгиланган муддатда тақдим этилмаган илмий тезислар тўпламга киритилмайди ва муаллифларга қайтарилмайди.
Анжуман материалларини тўплам шаклида чоп этиш ва ташкилий ишларни амалга ошириш учун иштирокчилар тезисларни ҳар бир саҳифаси учун 10 000 сўм миқдорида ташкилий бадал маблағини тўлашлари зарур. (Пластик карта рақами 8600 3329 3784 6800 Ипотека-банк)
Мурожаат учун манзил. Тошкент шаҳри, А.Темур кўчаси, 60а уй, Иқтисодиёт факультети биноси, 4-қават, 422-хона, “Менежмент ва маркетинг” кафедраси.
Боғланиш учун телефон: [phone].
Материалларнинг электрон варианти қуйидаги манзилларга юборилиши мумкин: e-mail: [e-mail], телеграмда: [phone]. Хат мавзусида “Анжуман учун тезис” деб ёзилиши керак.