Ўзбекистон республикаси қурилиш вазирлиги ўзбекистон республикаси

13.2. Портландцементнинг таркиби

Минерал тоғ жинслари охактош, тупроқ ва темир оксидини юқори хароратда куйдириб олинган цемент клинкерини майда қилиб туйиб олинган портландцементдир. Клинкер -хомашё аралашмасини (75% СаСО₃- оҳактош, 25% гил тупроқ ва 3-5 % темир оксиди) 1450 ⁰С гача қиздириб, таркибида кальций силикат (70...80%), алюминат ва алюмоферрит фазалари (20...30%) ҳосил бўлгандаги донадор маҳсулотдир. Уни туйиш жараёнида клинкерга 3...5% миқдорида гипс қўшилади ва пордландцементни қотишини 3-5 соатга секинлаштиради.

Цемент клинкернинг кимёвий таркиби, оғирлигига кўра % ҳисобида қуйидагичадир: CаО-62..68; СаО₂-20..24; Аl₂О₃-4..7; Fе₂О₄-2…6.
Илгари айтилганидек гидравлик боғловчи моддалар ҳавода, ҳам сувда қотиш хусусиятига эгадир. Буларга портланцемент ва унинг турлари, ҳамда гидравлик оҳак киради. Булардан ташқари тошқоллар, куллар, табиий тоғ жинс ва моддалари асосида олинган бир қанча гидравлик боғловчи моддалар ҳам киради.
Бу боғловчи моддалар таркибида кальций силикат, кальций алюминат ва кальций ферритларни борлиги, уларга гидравлик хоссаларни беради.
Сунъий минерал боғловчи ашёларнинг таркиби янада мураккаб, масалан, портландцемент клинкери асосан 4 та минераллардан иборат.
Уларнинг миқдори:
Aлит 3CaO·SiO₂ клинкер таркибида 45-60% бўлиб, портландцемент тошининг қотиш тезлигини ва мустаҳкамлигини белгилайди.
Белит 2CaO·SiO₂ клинкер таркибида 20-30% бўлиб, у аста-секин қотади, аммо узоқ муддат қотгандан кейин портландцемент тошининг юқори мустаҳкамликка эришишини таъминлайди.
Уч кальцийли алюминат 3CaO·Al₂O₃ энг фаол минерал бўлиб, клинкер таркибида 4–12% ни ташкил этади. У сув билан тез реакцияга киришади, бироқ бетон емирилишига (коррозиясига) сабаб бўлади.
Тўрт кальцийли алюмоферрит 4CaO·Al₂O₃·Fe₂O₃ клинкер таркибида 10% гача бўлади. У қотиш жараёнида иссиқликнинг мўътадил ажралиб туриши билан тавсифланади ва қотиш тезлиги бўйича C₃S ва C₂S оралиғида бўлади. Минераллар нисбатларини ўзгартириб, маълум оралиқда портландцементнинг (сув билан аралашиш, қотгандан кейин намоён бўладиган) хоссаларини ўзгартириш мумкин.