Ўзбекистон республикаси қурилиш вазирлиги ўзбекистон республикаси

Синаш учун саволлар:

1.Стандартлашни қурилиш ашёларининг сифат кўрсатгичларидаги ахамияти.

2.Қурилиш ашёлари стандартларида уларни кандай хоссалари ёритилиши керак.
3.Сертификация нима?
4.Метрология фани тўғрисида тушунча.


2-БОБ. Қурилиш ашёлари сифатини аниқлаш усуллари


2.1.Умумий тушинча

Қурилиш ашёларидаги бундай хусусиятларни саклаш ва уларни чидамлилигини оширишга доир илмий ва амалий ишлардан хабардор бўлиш учун харбир магистр, тадбиркор ёки иш бошкарувчи бўладими куйидаги билим йўналишини билиши керак бўлади.

Қурилиш ашёлари ва буюмларининг хоссаларини табиатан учта асосий гуруҳга бўлиш мумкин - физик, механик ва кимёвий.
Иссиклик, электр токи, товуш тўлкини, музлаш ва нурланишга доир хоссалари шунингдек, бир канча зарарли муҳит таъсирида, яъни сув ва музлашни бир вактдаги таъсири натижасида ашёларни физик хоссалари ўзгаради.
Ашёларнинг механик хоссалари деганда, ташки куч таъсирида уларнинг эгилишга, сиқилишга бўлган каршилигини тушунмок лозим. Бунга мустаҳкамлиги (сиқилишга, чўзилишга, эгилишга, ишкаланишга, зарбга, буралишга ва ҳ.к.), шунингдек каттиклиги, эгилувчанлиги, деформацияланиши, мўртлиги, юмшоклиги, окувчанлиги, силжиши, киришиши ва ҳ.к. лар киради.
Ашёга кимёвий зарарли муҳит таъсирига каршилик кўрсатиши унинг кимёвий хоссаларини ифодалайди. Масалан, ашёларни туз, кислота, ишкор ва уларнинг эритмалари таъсирига чидамлилиги ва ҳ.к. Бўлардан ташкари қурилиш ашёларининг биологик хоссалари, уларни замбуруғлар, микроорганизмлар, қурт-кумурска ва кўнғизлар таъсирига чидамлилигини ифодалайди.
Қурилиш ашёларни техник хоссаларига кўра куйидаги гуруҳларга бўлиш мумкин:пластик, эластик, мўрт, мустаҳкам, каттик ва сув, кислота, ишкор, иссик-совук, ҳамда физик-кимёвий жараёнлар таъсирига чидамли (сопол, шиша, клинкер ва ҳ.к.) ва чидамсиз (хомғишт) ашёлар. Ҳамда иссик-совукни кам ўтказадиган ашёлар— (минерал пахта, жун, ғоваксимон асбест буюмлар), товуш ютувчи (пемза, катламли шиша-пахта, фибролит), сувга чидамли (битум, рубероид, полимер, лок-буёклар) ва электризоляция (резина, чинни, мармар, полимер) хоссаларга эга бўлган ашёлар.