Ўзбекистон республикаси қурилиш вазирлиги ўзбекистон республикаси

9.4 Чиқиндилардан қурилиш ашёлари ишлаб чиқиш

Америка миллий академияссининг етакчи илмий ходими пластик чиқиндилардан қурилиш блоклари тайёрлаш йўлини ўйлаб топди. Бунда пласмассага тоза углерод билан юқори ҳароратда ишлов берилади.

Бу жараённинг афзаллик томони шундаки, бир вақтнинг ўзида пластмассалар билан аралашган хар турли чиқиндилардан фойдаланиш имконияти туғилади. Авваллари чиқиндилар алоҳида турларга ажратиб чиқиларди. Экологик жиҳатидан ташқари бу лойиҳа иқтисодий ва технологик муаммоларни бартараф этиш имкониятини яратади. Чиқиндиларни қайта ишлаш йўли билан тайёрланган бундай блокларни девор тўсиқлар ёки хўжалик иморатларига ишлатиш мумкин.
Ёғоч қопламали букилувчан ашёлар. MammaFotogramma дизайн студияси ёғоч қопламали букилувчан ашёни тақдим қилди. Бу ашё WoodSkin деб номланади. У учбурчак плитка шаклига эга. Ташқи қатламига фин фанери, ички қисмда эса нейлон ва полимер панжара ишлатилган.



9.11 - расм. Ёғоч қопламали букилувчан ашёлар
Янги ашёнинг ютуғи бу фойданувчининг талабига мослаша олишидадир. У учбурчак ўлчамини ва 4 ммдан 30 мм гача ёғоч қалинлигини кўрсатиб бериши мумкин. Бу ашёлар шаклининг бўзилмаслиги унинг букилувчанлиги ва тахланиши билан боғлиқ. Бир неча ҳолларда унинг мустаҳкамлиги ва чидамлилигини ошириш учун қўшимча равишда устунлар ишлатилиши мумкин.
Ламинат қандай қатламлардан тузилади?
Энг устки қатлам ҳимояловчи ҳисобланиб, у акрилат ва меламин плёнкадан иборат.Айнан мана шу қатлам кўпгина оғирликларни ўзига олади.
Иккинчи қатлам бу безак вазифасини бажарувчи меламинли қатлам, яъни қоғозга туширилган тасвир. Учинчиси қоғоздан иборат юпқа қатлам.
Тўртинчиси ёғоч хивичлари бириктирилган плита (бу қатлам қоплама учун асосийси ҳисобланиб,айнан мана шу қатлам плитанинг мустаҳкамлик ва оғирликка бардошлилигини таъминлайди).
Охирги қатлам (бешинчи қатлам) елимланган қоғоз қатлами. Барча қатламлар 200^оСда зичлаб бириктирилади.
Бугунги кунда қурилиш ашёлари бозорида ламинатларнинг турли туман кўринишдаги турлари кўпайиб кетди, уларнинг қайси биридан фойдаланиш афзалроқ. Гап шундаки биринчи навбатда унинг едирилишга бардошлилиги ҳисобга олиниши зарур. Масалан, офислар учун мустаҳкамроқ ламинатлар (31 синфга таъллуқли), тураржойларда эса чидамлилиги озгина пастроқ панеллар ишлатилади.
Ламинатларнинг чидамлилиги бўйича олтита синфи мавжуд: 21, 22, 23, 31, 32, 33. Бошланишда келтирилган 3 та синф тураржойларнинг пол қисми учун, улар орасида 21 синфдагиси асосан ётоқхоналар учун, 22 синф болалар хоналари учун, 23 синфдагиси эса ошхона, йўлаклар, кириш жойлари, спорт билан шуғулланиш залларида қўлланилади. Қолган 3 та (31, 32, 33 синфдаги) ламинатлар жамоат жойларида қўлланилади.