Ўзбекистон республикаси қурилиш вазирлиги ўзбекистон республикаси

7.6. Гулқоғозлар
Тўқимачилик махсулотлари асосидаги гулқоғозлар. Зиғир толасидан тайёрланган гулқоғоз. Бундай гулқоғозлар қоғоз ва табиий зиғир толаси асосида зичлаб (ламинацияланган кўринишда) олинади.
Зиғир толасидан тайёрланган гулқоғозлар оловбардош, хонани иссиқликдан ва товушдан мухофазалаш хусусиятга эга. Чанг ютгич ёрдамида бундай гулқоғозларни тозалаш мумкин.
Ёпиштиришдан олдин 10 дақиқадан кўпроқ гулқоғоз юқори сифатга эга бўлган елим билан шимдирилади. Гулқоғоз ёпиштирилганда букланиб қолмаслиги лозим.
Ипак толаси асосида тайёрланган гулқоғоз (7.4. - расм). Бундай гулқоғозлар ипак матоси кўринишига эга бўлади. Улар қоғоз ва табиий ипак толаси асосида тайёрланади.
Ипак асосида тайёрланган гулқоғоз экологик тоза, қуёш нури таъсирида ёнмайдиган ашё ҳисобланади. Чанг ютгич билан қуруқ ҳолатда тозаланишига руҳсат этилади.
7 .4. - расм. Ипак толаси асосида тайёрланган гулқоғоз.

Барча тўқимачилик маҳсулотлари асосида тайёрланадиган гулқоғозлар каби оғир гулқоғозлар учун мўлжалланган елим билан чоклари бирлаштириб ёпиштирилади. Бунда, гулқоғоз букланишига руҳсат этилмайди. Ёпиштиришдан 10 дақиқа олдин елим билан шимдирилади.

Синтетик тола асосида тайёрланган гулқоғоз. Бундай гулқоғозлар кўп тарқалмаган. Улар поролон ва синтетик толаси асосида тайёрланади.
Гулқоғозларнинг бундай тузилиши иссиқлик ва товушдан мухофазалаш хусусиятларини оширади. Улар қуёш нури таъсирида ёниб кетмайди.Бундай гулқоғозлар жуда кам ишлатилади. Асосан ётоқхоналарда ишлатилиши мумкин. Чанг ютгич билан тозаланишига руҳсат этилади.
Фетр асосида тайёрланган гулқоғоз. Бундай гулқоғозлар кўп тарқалмаган, лекин экзотик гулқоғоз турларига киради.
Улар қоғоз ва кўпиртирилган полипропилен асосида тайёрланади. Кўзга жуда яхши кўриниш беради. Ишқаланишга чидамли ва товушни ютиш хусусиятига эга.Кўринишидан велюр матосини эслатади. Узоқ муддатда ташқи кўринишини, яъни рангининг тўйинганлигини ўзгартирмайди. Иссиқликни ўзида яхши сақлайди. Бошқа гулқоғозлардан анча оғир. Оғир гулқоғозлар учун мўлжалланган елим билан ёпиштирилади. Бунда, гулқоғоз букланишига руҳсат этилмайди.