Ўзбекистон республикаси қурилиш вазирлиги ўзбекистон республикаси

Ўзи ёпишадиган гулқоғозлар (7.5. - расм)



7.5. - расм. Ўзи ёпишадиган гулқоғозлар.

Бундай гулқоғозлар учун елим ишлатилмайди. Деворга ёпиштиришдан олдин гулқоғознинг орқа томонидаги ёпишиб қолишдан ҳимояловчи махсус қоғоз қатлами ажратиб олинади.Улар асосан полимер пардага табиий кўринишдаги турли расмлар тушириб тайёрланади. Уларни деворга ёпиштириш жуда қулай. Талаб қилинган ўлчамда гулқоғоз қирқиб олинади.

Чоклари текис қўйилади. Икки томонидан ушлаб турилган ҳолатда ҳимояловчи махсус қоғоз қатлами ажратилади ва деворга ёпиштирилади. Мураккаб расм туширилган гулқоғозларни ёпиштиришда ҳам қийинчиликлар бўлмайди.
Гулқоғозлар эластик, мустаҳкам, ҳидсиз, доғларни ўзига юқтирмайди, турли хоналарда ишлатилиши мумкин. Бунда, фақат деворни олдиндан яхши тайёрлаш керак. Акс ҳолда, гулқоғоз яроқсиз ҳолатга келиб қолиши мумкин. Чунки, бундай гулқоғозларни қайтадан ишлатишга рухсат этилмайди. Шунинг учун деворларни қумқоғоз билан яхшилаб силлиқлаш ва чангларни чўтка билан тозалаш зарур.



7.6. - расм. Тасвир туширилган гул-қоғозлар
Тасвир туширилган гулқоғозлар хонада ўзига муҳит ҳосил қилади. Баъзан бундай гулқоғозлар эскилик сарқити деб ҳам қабўл қилинган эди. Ҳозирги кунда эса, улар замонавий интерьер дизайни сифатида қаралмоқда.
Тасвир туширилган гулқоғозлар расмлардан ўлчами катталиги билан фарқ қилади. Маълумки, катталаштирилган расмларда аниқлик етишмаслиги сабабли уларнинг кўриниши ёмонлашади. Ҳақиқий тасвир туширилган гулқоғозлар юқори технологиялар асосида тайёрланган аниқ график тасвир ва тўйинган рангга эга маҳсулотдир.
Тасвир туширилган гулқоғозларни тайёрлашда ўзига хос технологиялардан фойдаланилади. Унда ҳар бир миллиметр юқори аниқликда ишлайдиган асбобларда босилади. Шунинг учун ҳам бундай гулқоғозлардан фойдаланиш жараёнида рангларнинг ёрқинлиги ҳар доим сақланиб туради. Бугунги кунда тасвир туширилган гулқоғозлар безаклари ва кенг ишлатилиши билан ажралиб туради.
Бундай гулқоғозлар ёрдамида хонанинг кўз билан кўринишини катталаштириш мумкин (бундай ҳолатда тасвир туширилган гулқоғозларга фақат кўзгули ўрнатилган деворлар рақобатлашиши мумкин).