Ўзбекистон республикаси қурилиш вазирлиги ўзбекистон республикаси

Плитканинг сифатини ташқи кўриниши билан аниқлаш
12.4-жадвал

№	Кўрсаткич номи	Рухсат этилган фарқ
		1 нав	2 нав	3 нав
1	Чизиқли ўлчамлари бўйича, мм	Узунлиги бўйича 2, қалинлиги бўйича 1
2	Умумий узунлиги бўйича дарз, мм дан кам: 3, 4, 8, 9 турлари 2, 6, 7, 11, 12, 13, 15 турлари 1, 5, 10, 14, 16 турлари	Рухсат этилмайди	- 5 10	- 13 15
3	Урилган бурчаклар, мм дан кам	Рухсат этилмайди	2	3
4	Юза томонидаги қирра синиғи, мм дан кам	Рухсат этилмайди	2	4
5	Мушка диаметри, мм дан кам	1	2	3
6	Тасвирдаги ноаниқлик	1,7м дан кўринадиган	Хиралашиб кўринмайдиган тасвир	Рухсат этилади 3
7	Эгилиш, мм 1, 5, 10, 14, 16 турлари қолганлари	Рухсат этилмайди	1 0,75	1,5 1,5
8	Бир бурчагининг иккинчисига нисбатан қийшайиши, мм 1, 5, 10, 14, 16 турлари қолганлари	1,5 1,0	2,0 1,5	3,0 3,0
9	Плитканинг юза қисмида қатламланиш	Рухсат этилмайди

Плитка юзасидаги рангнинг бир туслилигини аниқлаш учун 1 м² плитка шитга зич ҳолатда ётқизилади. Шит бир оз қияликда очиқ жойга ўрнатилади ва 1,7 м масофада қараганда кузатувчи рангнинг эталонга мослигини солиштиради ва жадвалга ёзиб боради.

Хар хил рангли қоплама сопол буюмлар, асосан нам усул билан тайёрланади ва юқори сифатли лой қоришмаси бўлган тақдирда эса ним қуруқ усул ҳам ишлатилади. Фасадбоп қоплама сопол плиткалар юқори сифатли лойни обдан пишитиб (зичлаш усул билан) ишланади. Бундай сопол плиткалар қалинлиги 20—25 мм, юзаси 250х138 мм ўлчамларда қаторбоп ва бурчакбоп қилиб чиқарилади. Плиткаларнинг сув шимувчанлиги 6—14%, музлашга чидамлилиги эса 25 циклдан кам бўлмайди. Плиткалар тайёр девор юзасига цемент қоришмаси билан ёпиштирилади.
Сопол ишлаб чиқаришда маҳсулотнинг юзасини безашнинг турли усуллари - сирлаш, ангобирлаш, сопол бўёқлари ва табиий минерал бўёқлар билан бўяш, шелкография, декалькомания, икки қатламли қолиплаш, юзага фактура бериш усуллари қўлланилади.
Шелкография – бу трафарет ёрдамида сопол юзасига декоратив нақшни бериш усулидир. Трафаретда нақшни акс эттирадиган тешиклар бўлади.
Декалькомания – олдиндан тайёрланган тасвирларни сопол юзасига ўтказиш усулидир. Деколь – елим қатлами суртилган қоғоз юзасига сопол бўёқ билан чизилган тасвир.
Сув билан намланганда, елим қатлами қоғоздан ажратиб олинади ва маҳсулот юзасига ўтказилади, кейин куйдириш жараёнида бу қатлам мустаҳкамланади.
Табиий минерал бўёқлар билан бўяш.
Сопол ҳажм бўйича (пол плитка) ёки фақат юзаси табиий минерал бўёқлар билан бўялади, кейин куйдириш жараёнида бўёқ қатлами мустаҳкамланади.
Икки қатламли қолиплаш - фасадбоп ғишт ва сопол блокларини ишлаб чиқаришда қўлланилади. Қолиплаш жараёнида, махсулот юзасига ранг берилган ёки берилмаган хомашёдан юпқа (5-8 мм) фактура қатлами берилади. Бунда асос билан фактура қатлами учун ишлатиладиган ашёларнинг ҳаводаги ҳажм ўзгариши катта фарқ қилмаслиги керак.