Ўзбекистон республикаси қурилиш вазирлиги тошкент архитектура қурилиш институти мухандислик курилиш инфраструктураси факултети

ЎЗБЕКИСТОН РЕСПУБЛИКАСИ ҚУРИЛИШ ВАЗИРЛИГИ
ТОШКЕНТ АРХИТЕКТУРА ҚУРИЛИШ ИНСТИТУТИ
МУХАНДИСЛИК КУРИЛИШ ИНФРАСТРУКТУРАСИ ФАКУЛТЕТИ
“Қурилиш материаллари буюмлари ва конструкциялари ишлаб чиқариш” мутахассислиги
Темир бетон конструкцияларни лойиҳалаш фанидан
Мустакил иш
Мавзу: Бетоннинг асосий физик-механик хусусиятлари. Бетон мустахкамлиги.

Бажарди: КМБ-18 гурух
магистранти: Солижонов Хожиакбар.
Кабул килди: проф. Х.А.Акрамов.


Тошкент 2019й
Бетонларнинг физик–механик хусусиятлари
Зич силикат бетон цементсиз бетон бўлиб, боғловчи сифатида оҳак ишлатила­ди. Силикат бетонлар автоклавада қотириб тайёрланади. Силикат бетонлар оғир бетон­лар турига киради. Тўлдирувчи сифатида асосан кварцли қум ишлатилади. Силикат бе­тонлар арматура билан яхши ёпишади ва арматурани коррозиядан сақлайди. Бошланғич эластиклик модули бир хил мустаҳкамликка эга бўлган бетонларга нисбатан 1,5–2 марта кам. Кам оқувчанликка эга. Биноларнинг йиғма темирбетон элементларини тайёрлашда фойдаланилади.
Эксплуатация шароитлари ноқулай (динамик ва сейсмик юкларнинг таъсири ва бошқалар) бўлганда қўллаш чегараланади.
Иссиққа чидамли бетон юқори ҳароратли (200 ⁰С) шароитда ишлатиш учун қўлланилади. Қиздириш ҳароратининг босқичидан боғлиқ ҳолда боғловчи сифатида алюмин оксидли цемент, портландцемент қўшимчалар билан суюқ шиша (силикатли натрийнинг сув билан қоришмасига янчилган кварц қуми ва кремнефторитнатрийнинг қўшилмаси) қўлланилади.
Иссиққа чидамли тўлдирувчи сифатида: хромит, шамот, шлак, базальт, диабаздан фойдаланилади.
Бетоннинг эластиклик модули ҳароратнинг ошишида камаяди. Туннел печлари иссиқлик агрегатлари, домна печи фундаментлари конструкцияларида қўлланилади.
Кислотага чидамли бетон агрессив муҳит (таркибида кислота мавжуд бўлган сув ва таркибида кислота буғи бўлган ҳаво муҳити) шароитига чидамли бетондир. Кис­лота концентрацияси даражасига қараб боғловчи сифатида пуццоланли портландце­мент, шлакли портландцемент, суюқ шиша қўлланилади. Ер ости иншоотлари, кимё саноати цехларининг шифтини ёпиш конструкцияларида қўлланилади.
Полимербетон. Полимербетон учун боғловчи сифатида полимер материаллар (турли эмульсия, смола) ишлатилади. Полимербетоннинг сиқилишга ва чўзилишга қаршилиги, арматура билан боғланиш мустаҳкамлиги, агрессив муҳитга чидамлиги юқори ҳисобланади.
Цементли боғловчи асосида тайёрланган бетон, кейинчалик темирбетон элементларда, махсус технология бўйича полимер материаллар билан шимдириб ишлов берилса бетонополимер деб аталади. Улар босими кучли трубалар, йўл плиталари, тўсинлар, ригеллар тайёрлашда қўлланилади.