Ўзбекистон Республикаси умумий ўрта таълим мактаблари ва ўрта махсус, касб-ҳунар таълим муассасалари ўқувчиларининг умумтаълим фанлари бўйича фан олимпиадаларини ўтказиш бўйича тавсия ва баҳолаш мезонлари

Barcha bosqichlarda umumiy ko‘rsatkich 100 balni tashkil kiladi.


BIOLOGIYA

Biologiya fan olimpiadasining birinchi, ikkinchi, uchinchi bosqichi umumta’lim maktablarining 9-11 sinflarda o‘tkaziladi. Akademik litsey va kasb-hunar kollejlarida birinchi bosqich 1-3 kurslarda, ikkinchi, uchinchi bosqich 2-3 kurslarda o‘tkaziladi.

Birinchi, ikkinchi bosqich olimpiada 3 turda (yozma ish, laboratoriya mashg‘uloti, test sinovi), uchinchi bosqichida 2 turda (yozma ish, test sinovi) o‘tkaziladi.
YOzma ish.
Olimpiadaning birinchi va ikkinchi bosqichlarida yozma ish topshiriqlari 4 ta savoldan iborat bo‘ladi.
YOzma ish uchun 120 daqiqa vaqt beriladi. Maksimal 40 ball.
Olimpiadaning uchinchi (viloyat) bosqichida yozma ish topshiriqlari 5 ta savoldan iborat bo‘lib, yozma ish uchun 180 daqiqa vaqt beriladi. Maksimal 50 ball.
Savollar tanlanayotganda quyida berilgan baholash mezoniga e’tiborni qaratgan holda tuzish lozim.


YOzma ish quyidagi mezon asosida baholanadi.

T.r	Baholash mezoni	Ball
1	O‘quvchi tomonidan savol mazmuni to‘la ochib berilgan, qonun, nazariyalar to‘liq va aniq yoritilgan bo‘lsa	10
2	Agar o‘quvchi tomonidan savol mazmuni to‘la ochib berilgan, ammo qonun va nazariyalarni ochib berishda qisman xatolikka yo‘l qo‘ygan bo‘lsa	9
3	Javoblar to‘liq, lekin izchillik buzilgan bo‘lsa	8
4	Javoblar to‘liq, lekin izchillik buzilgan, atamalar va qonuniyatlar tavsifida kichik noaniqlik mavjud bo‘lsa	7
5	Javoblar qisman to‘liq, atamalar va qonuniyatlar tavsifida izchillik buzilgan va kichik noaniqlik mavjud bo‘lsa	6
6	Savollar javobida xatoliklar va ularni izohlashda tushunchalar tasnifida bir qancha noaniqlik va xatolarga yo‘l qo‘yilsa	5
7	Javoblar xulosalanmagan, fikrlar chalkash, tushunchalarda ko‘p xatolar mavjud bo‘lsa	4
8	Javoblar xato yozilgan lekin ayrim atama va tushunchalarni oq yoki qoralama daftarlarida qayd etgan bo‘lsa	3
9	Javoblar xato yozilgan lekin ayrim tushunchalarni qisman qayd etgan bo‘lsa	2
10	Javoblar xato yozilgan, hech qanday atama va tushunchalar qayd etilmagan bo‘lsa	1