Ўзбекистон Республикаси умумий ўрта таълим мактаблари ва ўрта махсус, касб-ҳунар таълим муассасалари ўқувчиларининг умумтаълим фанлари бўйича фан олимпиадаларини ўтказиш бўйича тавсия ва баҳолаш мезонлари

Тест топшириқлари.
Академик лицей ва касб-ҳунар колежларининг 2-3 курс (умумтаълим мактабларининг 9-11 синф) ўқувчилари олимпиаданинг биринчи, иккинчи босқичида 25 та (17 та жавоби танланадиган тест ва 8 та жавоби ёзиладиган) тест топшириғини бажарадилар. Тест топшириқларини бажаришга 75 дақиқа вақт ажратилади. Ҳар бир тўғри бажарилган тест саволига 2 балдан, нотўғри бажарилган топшириққа 0 балл қўйилади. Энг юқори кўрсаткич 50 бални ташкил этади.
3 (вилоят) босқичида 40 та (30 та жавоби танланадиган тест ва 10 та жавоби ёзиладиган тестлар), 4 босқич (Республика ) олимпиадасида эса ўқувчиларга 40 та тест топшириғи берилади. Тест топшириқларини бажаришга 120 дақиқа вақт ажратилади. Ҳар бир тўғри бажарилган тест саволига 1,25 балл, нотўғри бажарилган топшириққа 0 балл қўйилади. Энг юқори кўрсаткич 50 бални ташкил этади.
Барча босқичларда умумий кўрсаткич 100 бални ташкил килади.

ЧИЗМАЧИЛИК

Чизмачилик фанидан олимпиада биринчи, иккинчи ва учинчи босқичи умумтаълим мактабларининг 9-11 синфларда ўтказилади. Академик лицей ва касб-ҳунар коллежларида биринчи босқич 1-3 курсларда, иккинчи, учинчи босқич 2-3 курсларда ўтказилади. Олимпиаданинг барча босқичи 2 турда (амалий, тест синовлари) ўтказилади.

Олимпиаданинг биринчи, иккинчи, учинчи, тўртинчи босқичлари 2 турда (график амалий иш, тест синовлари) ўтказилади.
График амалий иш.
Фан олимпиадасининг биринчи (таълим муассасаси) ва иккинчи (туман), учинчи (вилоят) ва тўртинчи (Республика) босқичларида график амалий иш бажарилади. Бу топшириқда буюмнинг берилган иккита кўринишига биноан етишмовчи проекцияси аниқланади, зарурий қирқим ва кесим бажарилади. Аксонометрик прокцияси қурилади ва керакли қирқимлар бажарилади. Чизмада шартлилик ва соддалаштиришлардан унумли фойдаланилади.
Амалий иш бажаришга 180 дақиқа вақт ажратилади


График (амалий) ишни баҳолаш мезони қуйдагича: