Ўзбекистон Республикаси умумий ўрта таълим мактаблари ва ўрта махсус, касб-ҳунар таълим муассасалари ўқувчиларининг умумтаълим фанлари бўйича фан олимпиадаларини ўтказиш бўйича тавсия ва баҳолаш мезонлари

Барча тур бўйича умумий кўрсаткич 100 бални ташкил этади.

ГЕОГРАФИЯ

География фан олимпиадасининг биринчи, иккинчи, учинчи босқичи умумтаълим мактабларининг 9-11 синфларда ўтказилади. Академиклицей ва касб-ҳунар коллежларида биринчи босқич 1-3 курсларда, иккинчи, учинчи босқич 2-3 курсларда ўтказилади.

Биринчи (таълим муассаса), иккинчи (туман), учинчи(вилоят), тўртинчи (Республика) босқичида олимпиада 2 турда (ёзма иш, тест синови) ўтказилади.
Ёзма иш.
Фан олимпиадасининг биринчи (таълим муассасаси) ва иккинчи (туман), учинчи (вилоят) ва тўртинчи (Республика) босқичларида ўқувчиларга 5 тадан топшириқлар берилади. Топшириқни бажариш учун 2 соат (120 дақиқа) вақт ажратилади. Ҳар бир тўғри ечилган топшириқлар 10 балл билан баҳоланади, жами 50 баллни ташкил этади.
Саволлар танланаётганда қуйида берилган баҳолаш мезонига эътиборни қаратган ҳолда тузиш лозим.
Масалан:
9-синф
Дунёнинг федератив маъмурий ҳудудий тузилишидаги мамлакатларини жадвалда акс эттиринг.

Т.р	Европа	Осиё	Африка	Америка	Австралия ва Океания

1-2-курс (10-синф)
Агар Ер юзида ўртача ўарорат 3-4⁰C га кўтарилса, қандай иқлимий ўзгаришлар бўлиши мумкин?
3-курс (11-синф)
Бухоро-Навоий ва Самарқанд иқтисодий районларининг кимё саноатига қиёсий тавсиф беринг.
Ёзма иш қуйидаги мезон асосида баҳоланади.