Ўзбекистон Республикаси умумий ўрта таълим мактаблари ва ўрта махсус, касб-ҳунар таълим муассасалари ўқувчиларининг умумтаълим фанлари бўйича фан олимпиадаларини ўтказиш бўйича тавсия ва баҳолаш мезонлари

10 балл

Ҳар бир топшириқ 10 балл билан баҳоланади. Жами 50 балл.
Тест топшириқлари.
Академик лицей ва касб-ҳунар колежларининг 2-3 курс (умумтаълим мактабларининг 9-11 синф) ўқувчилари олимпиаданинг биринчи, иккинчи босқичида 25 та (17 та жавоби танланадиган тест ва 8 та жавоби ёзиладиган) тест топшириғини бажарадилар. Тест топшириқларини бажаришга 75 дақиқа вақт ажратилади. Ҳар бир тўғри бажарилган тест саволига 2 балдан, нотўғри бажарилган топшириққа 0 балл қўйилади. Энг юқори кўрсаткич 50 бални ташкил этади.
3 (вилоят) босқичида 40 та (30 та жавоби танланадиган тест ва 10 та жавоби ёзиладиган тестлар), 4 босқич (Республика ) олимпиадасида эса ўқувчиларга 40 та тест топшириғи берилади. Тест топшириқларини бажаришга 120 дақиқа вақт ажратилади. Ҳар бир тўғри бажарилган тест саволига 1,25 балл қўйилади. Энг юқори кўрсаткич 50 бални ташкил этади.
Тест топшириқларидан намуна келтирамиз:
1. Жавоби танланадиган тест
Иқтисодиёт қандай таркибий қисмлардан ташкил топган?
А. табиат, одамлар, жамият
В. одамлар томонидан яратилган барча нарсалар
С. одамлар, корхона, ташкилотлардан
Д. табиат, одамлар ва улар томонидан яратилган барча нарсалардан

2. Жавоби ёзиладиган тест

Чекланганлик муаммоси қайси тизим олдида муаммо бўлиб туради.
-------------------------
Барча босқичларда умумий кўрсаткич 100 бални ташкил килади.

МАТЕМАТИКА
Математика фанидан олимпиаданинг биринчи, иккинчи, учинчи босқичи умумтаълим мактабларининг 9-11 синфларда ўтказилади. Академик лицей ва касб-ҳунар коллежларда биринчи босқич 1-3 курсларда, иккинчи, учинчи босқичлар 2-3 курсларда ўтказилади. Олимпиаданинг ҳар тўртала босқичи 2 турда ( ёзма иш, тест синовлари) ўтказилади. Олимпиада синовларини қуйидаги тартибда ўтказиш тавсия этилади.
Ёзма иш.
Фан олимпиадасининг биринчи (таълим муассасаси) ва иккинчи (туман), учинчи (вилоят) ва тўртинчи (Республика) босқичларида ёзма иш топшириқларида 5 та масала берилади. Унга 3 соат (180 дақиқа) вақт ажратилади.
9-11 синфлар (академик лицей, касб- ҳунар коллежларини 1-3 курс) учун биринчи, иккинчи, учинчи, тўртинчи босқичда тайёрланган масалаларда 3 та топшириқ алгебрадан, 2 та топшириқ геометрия фанидан бўлиши лозим. Топшириқлар мантиқий фикрлашга, ностандарт масалалардан бўлишига эътиборни қаратиш лозим.
9-11 синфлар (академик лицей, касб- ҳунар коллежларини 1-3 курс) учун тайёрланган топшириқлардан бири геометрик исботлашга доир, бошқаси ҳисоблашга доир масалалардан олиниши мақсадга мувофиқ..
Масалан:
9-синф
1. Оилaдa 9 тa фaрзaнд бор. Улaрнинг ҳaммaсининг туғилиш орaлиқлaри бир хил. Болaлaр ёшлaри квaдрaтлaрининг йиғиндиси, улaрнинг отaлaрининг ёшлaригa тенг. Отaси вa ҳaр бир болaнинг ёши нечaдa?
2. Учбурчaкнинг ўзaро тенг бўлмaгaн томонлaри орaсидa ётувчи бурчaги учидaн биссектрисa вa медиaнa ўткaзилгaн. Медиaнaнинг биссектрисaдaн кaттa экaнлигини исботлaнг.