Ўзбекистон Республикаси умумий ўрта таълим мактаблари ва ўрта махсус, касб-ҳунар таълим муассасалари ўқувчиларининг умумтаълим фанлари бўйича фан олимпиадаларини ўтказиш бўйича тавсия ва баҳолаш мезонлари

Тест топшириқлари
Академик лицей ва касб-ҳунар колежларининг 2-3 курс (умумтаълим мактабларининг 9-11 синф) ўқувчилари олимпиаданинг биринчи, иккинчи босқичида 25 та (17 та жавоби танланадиган тест ва 8 та жавоби ёзиладиган) тест топшириғини бажарадилар. Тест топшириқлари учун 75 дақиқа вақт ажратилади. Ҳар бир тўғри жавоб учун 2 балл, нотўғри жавоблар 0 балл билан баҳоланиб, жами 50 баллни ташкил этади.
3 (вилоят) босқичида 40 та (30 та жавоби танланадиган тест ва 10 та жавоби ёзиладиган тестлар), 4 босқич (Республика ) олимпиадасида эса ўқувчиларга 40 та тест топшириғи берилади. Тест топшириқларини бажаришга 120 дақиқа вақт ажратилади. Ҳар бир тўғри бажарилган тест саволига 1,25 балл, нотўғри бажарилган топшириққа 0 балл қўйилади. Энг юқори кўрсаткич 50 бални ташкил этади.
Масалан:
1. Жавоби танланадиган тест
Қуйида берилган аъзолардан қайси бири минерал тузлар депоси бўлиб хизмат қилади?
А. Суяклар.
В. Талоқ.
С. Буйрак.
Д. Томирлар системаси.

2. Жавоби ёзиладиган тест

Организм ички муҳитининг нисбий доимийлиги қандай аталади?
__________________________________________________________________________
Барча тур бўйича умумий кўрсаткич 100 бални ташкил этади.

КИМЁ

Кимё фан олимпиадасининг биринчи, иккинчи, учинчи босқичи умумтаълим мактабларининг 9-11 синфларда ўтказилади. Академик лицей ва касб-ҳунар коллежларида биринчи босқич 1-3 курсларда, иккинчи, учинчи босқич 2-3 курсларда ўтказилади.

Биринчи, иккинчи, учинчи босқич олимпиада 3 турда (ёзма иш, лаборатория машғулоти, тест синови), тўртинчи босқичида 2 турда (ёзма иш, тест синови) ўтказилади.
Ёзма иш.
Фан олимпиадасининг биринчи (таълим муассасаси) ва иккинчи (туман) ва учинчи (вилоят) босқичларида ёзма иш топшириқлари 4 та масаладан иборат бўлади.
Ёзма иш учун 120 дақиқа вақт берилади. Максимал 40 балл.
Олимпиаданинг тўртинчи (Республика) босқичида ёзма иш топшириқлари 5 та саволдан иборат бўлиб, ёзма иш учун 180 дақиқа вақт берилади. Максимал 50 балл.
Масалан:
9-синф
Таркибида 56,47 % кислород, 16,47 % азот ва 27,06 % бўлган туз формуласини аниқланг. 340 г шундай туз қиздирилганда н.ш.да ўлчанган қанча ҳажм кислород ҳосил бўлади?