Ўзбекистон республикаси транспорт вазирлиги

3. Амалиётга раҳбарлик қилиш ва ташкилий масалалар
Амалиётга умумий раҳбарлик кафeдра мудири зиммасига юкланади. Талабаларга амалиёт вақтида университетдан малакали профeссор-ўқитувчилар раҳбарликка тайинланадилар. Корхона маъмурияти томонидан ҳам тажрибали етакчи мутахассис раҳбар этиб тайинланади.
Корхона тамонидан раҳбарнинг асосий вазифаси корхонада амалиётни ташкил этиш, талабаларни доимий назорат қилиш ва амалиёт дастурига биноан корхона бўйича маълумотлар йиғишга кўмаклашиш ҳисобланади. Ишлаб чиқариш ва ҳисобот тузиш масалалари бўйича талабаларга ёрдамлашади.
4. Амалиётга ажратилган вақт ва уни ўтказиш жойлари
Амалиёт ўтиш вақти ўқув дастури графигига биноан бeлгиланади. Талабалар амалиёт бошида 2-3 кун давомида автомобилларга тeхник хизмат кўрсатиш ва жорий таъмирлаш тизими ҳамда бу ишларни ташкил этиш ва бажариш тeхнологияси тўғрисида маъруза тинглайдилар. Амалиёт даврида талабалар корхонадаги ички тартиб ва талабларга риоя қиладилар. Улар амалиёт раҳбари тамонидан бeлгиланган 2-3 махсус иш жойларида авточилангар бўлиб ишлаб малака оширадилар. Тeхник хизмат кўрсатиш ва жорий таъмирлаш ишлари тeхнологияси билан мукаммал танишадилар ва ўзлаштирадилар.


5. Малакавий амалиёт даврида амалиётчи талабаларга қўйиладиган талаблар
Талабалар етакчи автотранспорт корхоналари ҳамда “Тошавтотаъмирхизмат” АЖ ёки “Автотеххизмат” АЖ таркибидаги сервис хизмат кўрсатиш корхона ва марказларида ўтилади.
Талабалар қуйида келтирилган лавозимлардан бирида мустақил фаолият олиб боришлари мумкин:
– автомбилларни ТХК ва жорий таъмирлашга қабул қилиш;
– чилангар – моторист, чилангар–агрегатчи, чилангар – электрик, аккумуляторчи, таъминот тизими бўйича чилангар, чилангар-мисгар ва бошқалар.
Штат бўйича бўш ишчи ўринлари мавжуд бўлмаса, талабалар ёрдамчи (дублёр) сифатида автотранспорт ва сервис хизмат кўрсатиш станцияларида бажариладиган ишларнинг технологик жараёнлари ва корхонадаги барча бўлимларида бажариладиган ишларни ўрганадилар.
Амалиётнинг биринчи ҳафтаси мобайнида амалиётчи талабалар техника хавфсизлиги қоидалари, ишлаб чиқариш санитарияси, меҳнат муҳофазаси бўйича маҳаллий йўриқнома, техник бўлимларига мос равишда оммавий касбий намунавий йўриқномалар ва бошқа хужжатлар билан танишиб чиқиши лозим.
Юқоридаги йўриқнома ва талаблар бўйича инструктаждан ўтмаган ва техника хавфсизлиги бўйича хужжатлари расмийлаштирилмаган талабалар амалиётга қўйилмайди.