Ўзбекистон республикаси ташқи ишлар вазирлиги

9.3. Jinoyatga suiqasd qilish tushunchasi va turlari.

Shaxsning qasddan sodir etadigan jinoyati boshlanib, o’ziga bog`liq bo’lmagan holatlarga ko’ra oxiriga etkazilmagan bo’lsa, jinoyat sodir etishga cuiqasd qilish deb topiladi.

Jinoyatga suiqasd qilishning ham - obyektiv va subyektiv belgilari mavjud bo’lib, ular quyidagilarda ifodalanadi.

Obyektiv belgilariga:

- suiqasd jinoyat sodir etishga bevosita yo’naltirilgan harakatni ifodalashi;

- jinoyat qonuni bilan qo’riqlanadigan obyektlarga qarshi qaratilgan tajovuzning boshlanishi;

- jinoiy harakat shaxsga bog`liq bo’lmagan holatlarga ko’ra oxiriga etkazilmasligi.

Jinoyatga suiqasd qilish ham tayyorgarlik ko’rish singari obyektiv tomondan shaxsga bog`liq bo’lmagan holatlarga ko’ra oxiriga etkazilmaydi. Lekin jinoyatga suiqasd qilishda jinoyat qonuni bilan qo’riqlanadigan obyektga tajovuz boshlanib, shaxsga bog`liq bo’lmagan holatlarga ko’ra oxiriga etkazilmasligida ifodalanadi.