Ўзбекистон республикаси ташқи ишлар вазирлиги

Tamom bo’lmagan jinoyatlar (jinoyatga tayyorgarlik ko’rish yoki jinoyatga suiqasd qilish)
Jinoyat sodir etishdan ixtiyoriy qaytish
- jinoiy harakat shaxsning o’ziga bog`liq bo’lmagan holatlarga ko’ra oxiriga etkazilmasligi; - tamom bo’lmagan jinoyatlar umumiy asoslarda javobgarlikni keltirib chiqaradi.	- jinoiy harakat shaxsning o’ziga bog`liq bo’lgan holatlarga ko’ra oxiriga etkazilmasligi; - jinoyat sodir etishdan ixtiyoriy qaytish javobgarlikni istisno qiluvchi holat hisoblanadi.

10 - Mavzu: JINOYaTDA IShTIROKChILIK TUShUNChASI, TURLARI VA ShAKLLARI
10.1. Jinoyat huquqida ishtirokchilik tushunchasi va turlari.

Jinoyatda ishtirokchilik deb – qasddan sodir qilinadigan jinoyatni ikki yoki undan ortiq shaxsning birgalashib sodir etishiga aytiladi (JK 28 moddasi).

Ikki yoki undan ortiq shaxsning birgalashib, jinoyat sodir etishi jinoyatning ijtimoiy xavflilik darajasini oshiradi, jinoyatni sodir etishni, jinoyat izlarini yo’qotishni osonlashtiradi. Ishtirokchilikda jinoyat sodir etish og`irlashtiruvchi holat sifatida e’tirof etiladi va jazoning og`irroq turini qo’llashni nazarda tutadi.

Ishtirokchilikning ikkita belgisi mavjud bo’lib, ular:

- obyektiv belgilar;

- subyektiv belgilar.

Ishtirokchilikning obyektiv belgilariga:

- birgalikdagi harakat (sifat ko’rsatkichi);

- ayni bir jinoyatda ikki yoki undan ortiq shaxsning qatnashishi (miqdor ko’rsatkichi)ni tashkil etadi.