Ўзбекистон республикаси ташқи ишлар вазирлиги

16.3. Shaxsning ijtimoiy xavflilik xususiyatini yo’qotishi munosabati bilan uni jazodan ozod qilish.

Jinoyat sodir etgan shaxs agar ish sudda ko’rilayotgan vaqtgacha sharoit o’zgardi yoki shaxs namunali hulqi, mehnatga yoki o’qishga halol munosabati bilan o’zini ko’rsatib, ijtimoiy xavfliligini yo’qotdi deb e’tirof etilsa, sud uni jazodan ozod qilishi mumkin.

Shaxsning ijtimoiy xavflilik xususiyatini yo’qotishiga ikkita omil sabab bo’ladi:

- sharoit (vaziyat)ning o’zgarishi – obyektiv omil;

- namunali xulqi, mehnatga yoki o’qishga bo’lgan halol munosabati – subyektiv omil.

Ushbu qoida bo’yicha mahkumni jazodan ozod qilishning yagona asosi – shaxsning ishi sudda ko’rilayotgan vaqtgacha namunali xulqi, mehnatga yoki o’qishga halol munosabati bilan o’zining ijtimoiy xavflilik xususiyatini yo’qotganligidir.

Ushbu qoida bo’yicha mahkumni jazodan ozod qilishda u sodir etgan jinoyatining ijtimoiy xavflilik darajasi ahamiyat kasb etmaydi.

16.4. Aybdor o’z qilmishiga amalda pushaymon bo’lganligi munosabati bilan jazodan ozod qilish.

Aybga iqror bo’lish, etkazilgan zararni qoplashi, jinoyatning ochilishiga faol yordam berishi jinoiy jazo maqsadlariga erishilganlik to’g`risida guvohlik beradi. Undan tashqari, ayrim hollarda jazoni qo’llamaslik yanada ta’sirliroq bo’ladi. Sud ushbu holatlarni inobatga olib, jazo tayinlamasdan turib ham aybdorni axloqan tuzatish mumkin deb hisoblasa aybdorni amalda pushaymon bo’lganligi munosbati bilan jazodan ozod qilishi mumkin. Lekin ushbu qoidaga asosan shaxsni jazodan ozod qilish uchun, jinoyat qonuni bir qancha asoslar mavjud bo’lishini talab qiladi.

Aybdor o’z qilmishiga amalda pushaymon bo’lganligi munosabati bilan jazodan ozod qilish asoslari