Ўзбекистон республикаси ташқи ишлар вазирлиги

12.6. Buyruq yoki boshqa vazifani ijro etish.
Buyruq yoki boshqa vazifani ijro etish deb - shaxsning buyruq yoki boshqa farmoyishni, shuningdek mansab vazifalarini qonunan bajarishi tufayli jinoyat qonuni bilan qo’riqlanadigan ijtimoiy munosabatlarga zarar etkazishda ifodalanadigan harakatiga aytiladi.

Bunday shaxsning harakati jinoyat deb topilmaydi va jinoiy javobgarlikni istisno qiladi.

Jinoiyligi oldindan ayon bo’lgan buyruq yoki boshqa farmoyishni bajarib, jinoyat sodir etgan shaxs, o’sha noqonuniy buyruq bergan shaxs bilan birgalikda umumiy asoslarda javobgarlikka tortiladi va ularning harakatlari ishtirokchilikda sodir etilgan jinoyat deb baholanadi.

G`ayriqonuniy ravishda berilgan buyruq yoki farmoyishni yohud mansab vazifasini bajarmagan yoki buzgan shaxs javobgarlikka tortilmaydi. Lekin shaxs amalda sodir etgan qilmishida boshqa bir jinoyat tarkibining barcha alomatlari mavjud bo’lsa, u umumiy asoslarda javobgarlikka tortiladi.

Ayrim hollarda buyruqni bajarmaslikning o’zi jinoiy javobgarlikni keltirib chiqaradi. Masalan: JK 279-moddasi “Bo’ysunmaslik” jinoyatida. Shunday hollarda shaxs noqonuniy ravishda berilgan buyruq yoki farmoyishni bajarmasa va ushbu buyruqning g`ayriqonuniyligini bilmagan bo’lsa, uning harakatlarini JK 279-moddasi bilan kvalifikastiya qilinishi lozimligini anglatadi.