Ўзбекистон республикаси ташқи ишлар вазирлиги

Axloq tuzatish ishlari

Axloq tuzatish ishlari – jinoyat sodir etgan voyaga etmagan shaxsni majburiy mehnatga jalb qilish ko’rinishidagi jazo turi sanaladi.

Axloq tuzatish ishlari:

- faqat mehnatga layoqatli bo’lgan voyaga etmaganlarga nisbatan tayinlanadi;

- o’zi ishlab turgan joyida o’tash sharti bilan tayinlanadi;

- agar aybdor hech qaerda ishlamasa, ushbu jazo ijrosini nazorat qiluvchi organlar belgilab beradigan o’zi yashaydigan hududdagi boshqa joylarda o’tash tariqasida tayinlanadi;

- bir oydan bir yilgacha muddatga tayinlanadi.

Umumiy qoidaga ko’ra - shaxs o’n olti yoshga to’lgandan so’ng mehnatga layoqatli hisoblanadi.

O’n olti yoshga to’lmaganlar quyidagi hollarda mehnat shartnomasi asosida mehnatga jalb qilinishi mumkin:

- o’n besh yoshga to’lgan shaxslar ota-onasidan biri yoki ularning o’rnini bosuvchi shaxsning yozma roziligi bilan ishga qabul qilinishi;

- yoshlarni mehnatga tayyorlash maqsadida umumta’lim maktablari, kasb–hunar texnika bilim yurtlari va o’rta maxsus o’quv yurtlarining o’quvchilarini o’n to’rt yoshga to’lganlaridan keyin ota-onasidan biri yoki ular o’rnini bosuvchi shaxslarning roziligi bilan bolalarning sog`ligiga ziyon etkazmaydigan va ta’lim olish jarayonini buzmaydigan engil ishlarni o’qishdan bo’sh vaqtlarida bajarish uchun ishga qabul qilinishiga yo’l qo’yiladi.

Agarda, voyaga etmagan shaxs tayinlangan axloq tuzatish ishlarining o’ndan bir qismidan ko’prog`ini o’tashdan bo’yin tovlasa - sud bu jazoning o’talmay qolgan qismini axloq tuzatish ishlarining har uch kunini qamoqning bir kuniga tenglashtirgan holda hisoblab, qamoq jazosi bilan almashtiradi, ammo bu muddat uch oydan oshmasligi kerak.