Ўзбекистон республикаси ташқи ишлар вазирлиги жаҳон иқтисодиёти ва дипломатия университети

5А231102 ТАШҚИ ИҚТИСОДИЙ ФАОЛИЯТ  
(ТАРМОҚЛАР ВА ФАОЛИЯТ ЙЎНАЛИШЛАРИ БЎЙИЧА)  
  
Тузувчилар: Р.Джураева - “Жаҳон иқтисодиёти ва халқаро иқтисодий муносабатлар” 
кафедраси доценти, и.ф.н;
Г.К.Султанова - “Жаҳон иқтисодиёти ва халқаро иқтисодий муносабатлар” кафедраси 
доценти, и.ф.н.
Тақризчилар: C.А.Закирова -“Жаҳон иқтисодиёти ва халқаро иқтисодий муносабатлар” 
кафедраси доценти, и.ф.н.
М.М.Хамдамов - “Халқаро иқтисодий муносабатлар” факултети декани, и.ф.н.
  
Кириш  
Ўзбекистон Республикаси олдида турган муҳим стратегик вазифалардан бири очиқ 
иқтисодиётни шакллантириш орқали миллий иқтисодиётни жаҳон хўжалиги билан 
интеграциялашувини таъминлаш ва глобализация ҳамда халқаро меҳнат тақсимоти 
афзалликларидан самарали фойдаланишдир. Бу долзарб муаммони муваффақиятли ечиш 
мамлакатимизнинг халқаро иқтисодий муносабатларини янада ривошлантиришни, 
уларнинг самарадорлигини оширишни талаб қилади. Шунинг учун ҳам иқтисодиётни 
эркинлаштириш ва диверсификация қилиш жараёнлари давом этаётган ҳозирги кунда 
халқаро иқтисодий муносабатлар ва жаҳон иқтисодиётини ҳар томонлама чуқур ўрганиш 
муҳим аҳамият касб этади.
“Халқаро иқтисодий муносабатлар” фанини ўрганиш мақсади – талабаларни 
халқаро иқтисодий муносабатларнинг моҳияти, асосий шакллари, ривожланиш 
тенденциялари ва мамлакат иқтисодининг ривожланишига таъсири, миллий 
иқтисодиётнинг 
жаҳон 
ҳамжамиятига 
интеграциялашувининг 
аҳамияти, 
очиқ 
иқтисодиётда макроиқтисодий сиёсатнинг ички ва ташқи мувозанатга таъсири билан 
таништиришдир.
Жаҳон иқтисодиёти – бу хўжалик фаолиятини ташкил этишнинг ўзига хос 
усулларига эга бўлган турли иқтисодий тизимларга кирувчи миллий хўжаликлар 
умумийлигини қамраб олувчи мураккаб, ривожланаётган тизимдир. Шу билан бир вақтда, 
унга ривожланишнинг баъзи умумий қонуниятлари ва йўналишлари хосдир. Мазкур соҳада 
жаҳон иқтисодиётининг асосий хусусиятлари, унинг ривожланишини сабаблари ҳамда 
босқичлари кўриб чиқилади. Унинг ривожланишини умумий жараёнлари ҳамда 
йўналишлари, алоҳида мамлакатлар ва ҳудудларнинг ҳолати таҳлил қилинади.
Жаҳон иқтисодиёти, халқаро иқтисодий муносабатларнинг асосий йўналишларини 
англаш, шунингдек, Ўзбекистон Республикасини янада ривожлантириш бўйича Ҳаракатлар 
стратегиясида белгиланган иқтисодиётни ривожлантириш ва либераллаштиришнинг 
устувор йўналишлари доирасида белгиланган чора-тадбирларнинг ҳозирги жаҳон иқтисоди 
ривожидаги асосий йўналишлар ва тенденцияларга мувофиқлигини тушуниш учун асос 
яратади.
Мазкур дастур Жаҳон иқтисодиёти ва дипломатия университетининг 5А231102 – 
«Ташқи иқтисодий фаолият (тармоқлар ва фаолият йўналишлари бўйича)» мутахассислиги 
бўйича магистратурага кириш имтиҳонлари топширувчиларига мўлжалланган. Унда 
“Жаҳон иқтисодиёти” ва “Халқаро иқтисодий муносабатлар” фанларининг намунавий ва 
ишчи ўқув дастурларида белгиланган асосий мавзуларининг саволлари келтирилган. 
Бундан ташқари ушбу дастурда 5А231102 – «Ташқи иқтисодий фаолият (инвестицион 
фаолият)» мутахассислиги бўйича магистратурага кириш имтиҳонининг баҳолаш мезони 
ҳамда тавсия этилаётган адабиётлар рўйхати келтирилган.