Ўзбекистон республикаси судьялар олий кенгаши ҳузуридаги одил судлов муаммоларини ўрганиш

А Ж Р И М Қ И Л Д И: 
Аризачи Н.Ёрқулованинг Сергели тумани ҳокимининг 
қарорини ҳақиқий эмас деб топиш ҳақидаги аризасини, ариза 
Зангиота тумани маъмурий судининг судловига тааллуқли эмаслиги 
сабабли, қабул қилиш рад этилсин. 
Келгусида аризачига юқорида қайд этилган ариза билан 
Сергели тумани маъмурий судига мурожаат қилиши мумкинлиги 
тушунтирилсин. 
Аризаси ва илова қилинган ҳужжатлар аризачига қайтарилсин. 
Ажримдан норози тараф ажрим топширилган кундан 
эътиборан ўн кун ичида шу суд орқали Тошкент вилоят маъмурий 
судига 
хусусий 
тартибда 
шикоят, 
прокурор 
эса 
протест 
келтиришлари мумкин. 
 
Судья
 
 
 
 
имзо

 
Э.Комилов
 

---

58 
2.4. Ишларни судда кўришга тайёрлаш 
Судья шикоятни қабул қилиб, маъмурий ишни қўзғатганидан 
сўнг, ишни ўз вақтида ва тўғри кўриб чиқиш ҳамда ҳал қилиш 
мақсадида уни судда кўришга тайёрлайди. 
Фуқаролик процессуал кодексининг 268-моддасига мувофиқ, 
судья шикоятни кўриб чиқиш учун қабул қилиб, қуйидаги 
ҳаракатларни бажаради: 
1) тегишли органлар ва мансабдор шахслардан зарур 
ҳужжатларни талаб қилиб олади; 
2) тарафнинг илтимоси ёки ўзининг ташаббуси билан шикоят 
қилинган хатти-ҳаракатнинг (қарорнинг) ижросини тўхтатиш 
масаласини ҳал этади. 
Бундан ташқари, фуқаролик суд ишлари юритишнинг умумий 
қоидаларига биноан судья ФПКнинг 160-моддасида белгиланган 
ҳаракатларни амалга оширади.
Ишни судда кўришга тайёрлаш бўйича судьянинг 
ҳаракатлари 
Судья ишни судда кўришга тайёрлаш тартибида қуйидаги 
ҳаракатларни амалга оширади: 
1) ишга учинчи шахсларнинг жалб этилиши ёки киришиши 
масаласини ҳал қилади ва ишда иштирок этишига йўл қўйилган 
учинчи шахсларни ушбу Кодекснинг 159-моддасига мувофиқ сўроқ 
қилади; 
2) ишни кўришда вакилларнинг қатнашиши масаласини ҳал 
қилади; 
3) ишда прокурорнинг иштирок этиши тўғрисидаги ва тегишли 
давлат бошқаруви органини суд процессида қатнашишга жалб этиш 
ҳақидаги масалани ҳал қилади; 
4) ишда иштирок этишга жалб қилинмаган ташкилот ёки 
фуқаронинг иш якунидан манфаатдорлигини аниқласа, уларга, 
шунингдек прокурорга юритилаётган ишни ва уни кўриш вақтини 

---

59 
маълум қилади; 
5) гувоҳларни суд мажлисига чақириш ёки уларни ушбу 
Кодекснинг 72-моддасида назарда тутилган тартибда сўроқ қилиш 
масаласини ҳал қилади; 
6) ташкилотлар ёки фуқаролардан ёзма ва ашёвий далилларни 
талаб қилиб олади ёки бу далилларни олиб, судга тақдим этиш учун 
ишда иштирок этувчи шахсларга талабнома беради; 
7) ишда иштирок этувчи шахсларнинг фикрларини ҳисобга 
олиб, экспертиза тайинлаш ва мутахассис жалб қилиш масаласини 
ҳал қилади; 
8) кечиктириб бўлмайдиган ҳолларда, ишда иштирок этувчи 
шахсларни хабардор қилиб, жойда кўздан кечириш ўтказади; 
9) бошқа судларга суд топшириқлари юборади; 
10) ишда иштирок этувчи шахсларга уларнинг процессуал 
ҳуқуқлари ва мажбуриятларини тушунтиради. 
Судья ишда иштирок этувчи шахсларни чақирмасдан туриб, 
ишни судда кўришга тайёрлаш юзасидан қилган ҳаракатларини 
ажрим шаклида расмийлаштиради. Бу ажрим устидан апелляция 
шикоятидан алоҳида тарзда шикоят қилиниши мумкин эмас. 
(ФПКнинг 160-моддаси) 
Судья ишни етарли даражада тайёрланган деб топгач, уни суд 
мажлисида кўришга тайинлаш тўғрисида ажрим чиқаради, тарафлар 
ва процесснинг бошқа иштирокчиларига ишни кўриш вақти ва жойи 
ҳақида маълум қилади. 
(ФПКнинг 161-моддаси)
 

---

60 
НАМУНА