Ўзбекистон республикаси соғЛИҚни сақлаш вазирлиги

Найзасимон элеватор билан тишни олиш : Найзасимон элеватор билан пастки 1-2- молярлар чидамли бўлганда 3- молярлар илдизларини олиш учун қўлланилади. Бу элеватор билан тиш олганда бемор ва шифокор ҳолати, худди пастки катта озиқ тишларни омбурда олингандек бўлади. Чап қўл энгак остидан пастки жағни ушлаб туради, I бармоқ эса олинадиган ва қўшни тишнинг чайнов юзаларида жойлашади. Бу ҳолат огиз бўшлиғининг ортиқча травмалардан , таянч тишларни қимирлаб қолишидан сақлайди ва шифокор томонидан берилаётган кучни қонтрол қилиб туришга имқон беради.
Тўғри элеватор билан тиш олиш: Тўғри элеватор билан тиш илдизларидан ташқари Тиш қаторида жойлашган 3- молярларни ва илдизини олиш мумкин. Олиш техникаси худди найзасимон элеватор билан олгандек.
Жароҳатни тиш олингандан сўнг ишлови ва парваришлаш.
Тиш илдизи ўрнидан олингандан сўнг , лункада илдиз қисмлари ва бўлаклари қолмаганликка ишонч ҳосил қилиш керак. Сўнг ўткир жарроҳлик қошиғи билан илдиз ўрни туби текширилади, патологик грануляцион тўқималар ёки гранулёма бўлмаса, суяк синиқлари ёки тиш бўлаклари олиб ташланади. Сўнг тиш ўрни деворининг бутунлиги текширилади. Тиш олинганда унинг илдизи атрофидаги тўқималардаги қон томирлар ёрилиши ҳисобига тиш ўрнида қон оқими кузатилади. Қон 2-5 минутдан кейин тухтайди . Бунда қон ивиб, қон қуйқасини ҳосил қилади ва улар тиш ўрнини тўлдиради. Бу эса оғиз бўшлиғидан инфекция тушишидан сақлайди. Қон қуйкаси билан тўлмаса , йодоформли марли қўйилади . Марли 5-7 кундан кейин олинади. Грануляцион тўқима билан тиш ўрни тўла бошлайди.
Тиш олингандан сўнг жароҳат 2 ламчи битади. Милк четлари айланма бойламлари ажратилганлиги ҳисобига бир-бирига яқинлашиб битади. Шу билан бир вақтда қон қуйқалари ҳосил бўла бошлайди, дастлаб грануляцион тўқимага сўнг остеолид тўқимага айланади.Тиш ўрни нормал битган ҳолларда ҳеч қандай оғриқ кузатилмайди. 3-4 кундан сўнг грануляцион тўқималар ўсиши кузатилади ва 14 кундан кейин альвеола грануляцион тўқима билан тўлади. 1 ойдан 4 ойгача остеодланиш сўнг суякланиш кузатилади . Шу билан бирга тиш ўрни деворларининг тахминан илдиз узунлиги буйича 1/3 қисм сўрилади .