Ўзбекистон республикаси соғЛИҚни сақлаш вазирлиги

124 Расм . илдизлар олинишида ишлатиладиладиган
а) борлар б) болға в) исканалар


Илдизни суяк ичидан олиш операцияси бир неча босқичдан иборат:
1. Илдиз олинадиган сохада асоси ўтув бурмага қаратилган кенг
трапация шаклидаги шиллиқ қават ва суяк усти қобиғи суяккача кесилади ва лахтак ажратилиб, пастга сурилади.
2. Бормашина ёрдамида думалоқ борлар билан жағ суягининг
ташқи кортикал пластинкаси илдиз рўпарасида доира қилиб
тешилади. Улар бир - бирига фиссур бор билан бирлаштирилиб, илдиз тўлиқ очилгунча суяк кесиб олинади.
3. Бурчакли элеватор ёрдамида (юқорида келтирилган услубда)
илдиз ўрнидан кўзғатилади ва чиқариб олинади.
4. Суякдаги ўткир қирралар текисланиб лахтак жойига тиқиб
қуйилади.

125 Расм. Бормашина ёрдамида тиш илдизларини очиш: а)кесмани чизмаси, б) думалоқ бор билан кортикал қатлама тешилган, в) фисурали бор биланилдиз атрофидаги суяк кесилган, г) элеватор билан медиал, д) дистал илдизлар чиқарилган, е) ярага чоклар куйилган.
Бормашина ишлатиш имкони бўлмаганда илдизларни искана ва элеватор ёрдамида қоқиб чиқариш усулида олиш мумкин



126 Расм . пастки жағнинг озиқ тишини қоқиб чиқариш усулида элеватор билан олиш чизмаси
а) альвеоляр ўсиқ қиррасидан ўтув бурмага трапеция шаклдаги кесма чизилади б)милк кесилиб лахтак ажратилган; в) искана билан ташқи кортикал қатлам қоқиб олиниб илдизлар ялонғочланган; г) элевато медиал илдиз буйлаб қисқа ярим айланма харакатлар билан периодонтал оралиққа кириб чиқариб олинган; д) шу харакатлар билан дистао илдиз чиқарилган ; е) ярага чоклар қуйилган.
Тишни илдизининг учи синганида чиқариб олишни икки усули бор – биринчиси катакчагада ингичка учли элеватор ёрдамида жойидан силжитиш ва қисқич билан суғириб олиш( расм 127), иккинчиси суяк юзасидан тешик очиб чиқариб олиш(расм 128).