Ўзбекистон республикаси соғЛИҚни сақлаш вазирлиги

127 Расм . Пастки жағнинг кичик озиқ тишини синган илдизини олиш босқичлари:
а) синган илдизни жа-даги холати, б) элеватор ёрдамида ўрнидан силжитиш, в) қисқич билан суғириб олиш;



128 Расм : Бормашина ёрдамида илдизни чиқариб олиш:
а) ўтқазиладиган кесма
б) лахтак ажратилиб илдиз учи атрофидаги суяк бор билан олиб ташланган
в) илдиз учи чиқариб олиниши
Тиш илдизларини тўғри элеватор билан олиш: Бундай элеватор билан пастки жағда қонуссимон шаклдаги бир илдизли ва юқориги катта озиқ тиш илдизлари бир- биридан ажралиб кетган ҳолларда қўлланилади. Элеватор дастаси ўнг қўл билан ушланади II бармоқнинг охирги фалангаси бириктирувчи стерженда жойлашади, чап қўлнинг I ва II бармоқлари билан шифокор альвеоляр ўсиқни ички ва ташқи томондан ушлаб туради. Бу элеваторни қонтрол қилиб туриш учун ва шиллиқ қават шикастланишини олдини олиш учун керак. Элеватор илдиз ва алвеоляр ўсиқ орасига ёки юқориги катта озиқ тиш илдизлари орасига жойлаштирилади. Элеватор учининг ботиқ қисми илдиз томонга , бўртган юзаси тиш лункасига қараган бўлиши керак. Бир вақтнинг ўзида дастасидан босилиб , айланма ҳаракат билан ўз ўқи бўйича тубигача борилади. Элеватор учи лунканинг чуқур қисмига олиб кирилади. Бунда толалар узилиб, илдиз қарама- қарши томонга силжийди.
Тиш илдизини бурчакли элеватор билан олиш пастки катта озиқ тиш илдизлари бир- бирдан ажралган ҳолларда қўлланилади. Элеватор дастаси ўнг қўлнинг барча бармоқ ва кафти билан ушлаб турилади. Айрим ҳолларда I бармоқ бирикувчи стерженда жойлашади. Чап қўл ҳолати худди тўғри элеватордагидек.
Элеватор учи периодантал ёриқга киргизилади. Ботиқ қисми олинадиган илдизга ёки катта озиқ тиш илдизлари аро қараган бўлади. Дастаси ва бириктирилган стержен лунж томонга қараган бўлади. Элеватор учи илдизлараро ва лунка деворига чуқур киргизилади, дастасига ўнг қўл билан босилади , чап қўлнинг I бармоқги билан бириктурувчи стерженда ушлаб турилади. Бунда элеватор худди понага ўхшаб ҳаракатланади. Илдизни қарама- қарши томонга суғириб илдизлар аро ва лунка девори оралиғида жой очади. Шу билан бирга ўқи буйича айлантирилади ва бу вақтда элеваторни букилган қисми илдизни лункадан итаради.