Ўзбекистон республикаси соғЛИҚни сақлаш вазирлиги тошкент тиббиёт академияси

Муаммонинг ўрганилганлик даражаси. Замонавий қарашларга кўра, 
инфарктдан 
кейинги 
кардиосклероз 
(ИККС) 
мавжуд 
беморларни 
реабилитацияси беморларни хаёт тарзи сифатини ва мехнат қобилиятини 
оширишга, юрак-қон томир тизими холатини яхшилашга қаратилган тиббий 
ва физик таъсирлар комплексини ўз ичига олади. 
Даволавчи жисмоний тарбия (ДЖТ) турли воситалари ва 
физиотерапияни қўллаш юрак-қон томир касалликларини медикаментоз 
даволашга қўшимча хисобланади. ДЖТ шароитида жисмоний зўриқишларга 
секин-аста мослашиш организмни ўзгарган ташқи мухит шароитларига 
фзиологик мослашиши асоси хисобланади. ДЖТ барча асосий ва ёрдамчи 
гемодинамик омилларни (кардиал, экстракардиал, томир, тўқима 
алмашинуви ва бошқалар) фаоллаштиради. юрак-қон томир тизими 
функционал хусусиятлари ва мослашишини оширишга олиб келувчи аниқ 
белгиланган шуғулланиш даражаси қон айланиш функцияларини яхшилайди, 
пўстлоқ ва ички аъзолар, пўстлоқ ва мушак тизими ўртасидаги 
муносабатларни ривожлантиради. Юқори мехнат фаолиятидаги ягона 
интеграл функционал тизимни шакллантиради (В.Н.Мошков, 1982). Шуни 

---

4 
таъкидлаш жоизки, ДЖТ воситаларини ижобий таъсири беморларнинг 
эмоционал доирасида, уларнинг рухий холатини оширишда хам намоён 
бўлади. ДЖТ воситалари ўзига хос рухий тормозланишни йўқотишга олиб 
келади, беморларни “касалликка кириб кетиши”га имкон бермайди, уларда 
касалликнинг ижобий натижалари ва ўз кучига ишонч хиссини 
шакллантиради (И.Б.Темкин, 1996). 
ЮИК билан оғриган беморларда магнитотерапияни қўллашнинг ўзига 
хос хусусияти шундан иборатки, паст интенсивликдаги магнит майдони 
ёрдамида бутун бир организмга ёки унинг аксарият қисмларига даволаш-
профилактика мақсадларида қўллашдир. Паст интенсивликдаги магнит 
майдонининг умумий таъсири организмнинг кўп қиррали функционал 
тизимлари фаолиятига синхронловчи таъсир этиб, унчалик кўп бўлмаган 
энергетик сарфларсиз мослашув жараёнларини шакллантиради (В.С.Улащик, 
2001). Умумий магнитотерапия спазмолитик, гипотензив, чичниқтирувчи, 
умумий қувватловчи ва умумий тетиклантирувчи, микроциркуляцияни 
яхшиловчи, қон ивишини меъёрлаштирувчи, унинг микрореологиясини 
яхшиловчи хусусиятларга эга бўлиши, уни юрак-қон томир касалликларини 
даволаш ва олдини олишда қўллашни тақозо этади. Умумий 
магнитотерапияга магниторезонанс терапия (МРТ) мансуб бўлиб, бу даволаш 
усули қатъий белгиланган кўрсаткичлари асосида организм тузилмалари 
электромагнит 
тебранишлари 
резонансига 
киради 
(Е.Е.Мейзеров, 
И.Л.Блинков, Ю.В.Готовский, 2000). Тиббиётда резонансни қўллаш асосий 
мохияти унинг даволовчи (электромагнит) шакли ва частотасини тўғри 
танлаш ва инсон организмидаги меъёрий (физиологик) тебранишларни 
кучайтириш ва патологик тебранишларни сусайтиришдан иборатдир. Қатор 
физиотерапиянинг маълум бўлган усулларидан фарқли равишда анъанавий 
тиббиётнинг тавсия этилаётган усули тўқималарни қиздириш билан боғлиқ 
бўлмаслиги, ушбу услубни “кичик интенсивликдаги даволаш омиллари”га 
киритиш мумкин. Усулни терапевтик самарасини хамма томонлама бахолаш 
ва уни амалиётда комплекс қўллаш масалалари долзарблигича қолмоқда.