Ўзбекистон республикаси соғЛИҚни сақлаш вазирлиги тошкент тиббиёт академияси кафедра: Анестезиология ва реаниматология

1. Машғулот ўтказиш жойи, жихозланиши

-анестезиология ва реаниматология кафедраси
-СЭБ бузилишида коррекциялашда кулланиладиган инфузион воситалар тупламини демонстрация килиш. Беморлар касалик тарихи, динамик кузатув харитаси, волемик ва гомеостаз бузилиши билан беморларнинг лаборатор текширув курсаткичлари, янги ахборот технологиялари воситалари, кўргазмали қуроллар, жадваллар, видеофильмлар
- компьютер.


1.1. Мавзуни асослаш

Талабаларнинг анестезиология ва реаниматология амалиётида КИМ ва СЭБнинг бузилиши ва физиологик механизм бошқарувини ўзлаштириш. Талабалар томонидан КИМ, СЭБни бузилишиларини коррекциялаш ва инфузион­трансфузион даволашни таъминлаш буйича билимлар ва амалий куникмаларни узлаштириш.

1.2. Фанлараро ва фан ичида боғлиқлик
Ушбу мавзуни ўқитиш талабаларнинг биохимия, фармакология, нормал ва патологик физиологияси бўйича билимларига асосланади. Дарс давомида олинган билимлар терапия, эндокринология, хирургия ва бошқа клиник йўналишларда ва шу билан биргаликда реаниматологияни ўрганилганда керак бўлади.
2. Машғулотнинг таркибий кисми:
2.1. Назарий қисм

Кислота-ишкор мувозанати гомеостазда водород ионини концентрациясини бошкарувидан иборат. Ионларни мувозанатини таъминлаш қуйидаги механизмларга боғлиқ­бу организмнинг буфер системаси, ўпка вентиляциясининг ўзгариши, буйрак чиқарув фаолиятининг ўзгариши, хужайра ичи ва хужайра ташкарисидаги электролит ўзгаришлар. Коннинг буфер системалари куввати ва бошқарилишига нисбатан номутаносиб: гидрокарбонатли тизим­53%, гемоглобин­оксигемоглобин тизими­35%, плазманинг протеинли тизими­7%, фосфатли тизим­5%. КИМни клиник ўзгариши асосида қуйидаги физиологик жараёнларини бузилиши ётади: ўпкадаги СО₂ эллиминациясини бузилиши, учувчан бўлмаган кислота буфер жуфтлик NaHCO₃­H₂CO₃ нейтрализациясининг бузилиши, буйракда аммоний ионини экскрецияси ва бикарбонат реабсорбциясини бузилиши.

Метаболик ацидоз­НСО₃нинг пасайишини, бу учувчан бўлмаган кислоталарнинг йиғилиши ёки асосларнинг организмдан чикиб кетиши натижасида ривожланади.
Метаболик алкалоз­ бу НСО₃нинг ошиши, кислоталарнинг чикиб кетиши ёки бикарбонатларнинг йиғилиши билан кузатилади.
Респиратор ацидоз­ РСО₂нинг бирламчи ошиши натижасида келиб чикади.
Респиратор алкалоз- РСО₂нинг камайиши, ўпка гипервентилляцияси натижасида келиб чиқади.
КИМни Аструп усули бўйича текшириш. КИМнинг метаболик ва респиратор кўрсаткичлари.
СЭБнинг организм фаолиятидаги ахамияти, сув ва электролитлар алмашинувининг физиологияси. Сув ва зарурий электролитларнинг организм секторларида тақсимланиши. СЭБнинг бузилиш шакиллари, моллярлик тушунчаси, СЭБнинг бузилишида Na⁺ нинг ахамияти.
Сув мувозанати бузилиши шаклларининг кўпинча учрайдиган сабаблари, дегидратация, гипергидратация клиникаси. Натрий ва калий алмашинуви, Na⁺ ва K⁺алмашинувининг бузилиш сабаблари, клиникаси.
Сув­электролит мувозанатини коррекцияловчи инфузион мухитлар, бузилишларни коррекцияловчи услублар.
Кислота-ишқор мувозанати (КИМ)-организмнинг суюқ мухитининг мухим биохимик доимийлиги (мувозанати) хисобланади. КИМ водород ионлари концентрацияси билан ифодаланади ва рН деб белгиланади. рН­? (рН ­ бу эритмада водород ионлари концентрацияси кўрсаткичининг ўнламчи тескари логарифмидир). Табиатда рН миқдори 1,0дан 14,0 булган эритмалар мавжуд. рН миқдори 7,0га тенг бўлса эритма реакцияси нейтрал хисобланади. рН 1,0дан 7,0гача бўлса­кислотали, рН 7,0дан 14,0гача эса­ишқорий хисобланади.
Бронстед теориясига кўра водород ионларини ажратувчи модда кислотали, водород ионларини боғловчи эса­ишқорий ёки асос хисобланади. рНнинг доимийлиги­бу хаётнинг асосий шарти. Инсон организмида КИМнинг сақланиб туриши, рНнинг силжишига қаршилик қилувчи буфер (ёки физико­химик) ва физиологик тизим
1. ОРГАНИЗМНИНГ БУФЕР, ЁКИ ФИЗИКО-ХИМИК ТИЗИМЛАРИ.
Қонда ёки бошқа биологик муҳитда кислота ва кучли асос билан боғланиб ним кислота ва туз ҳосил қилиши комбинациясига буфер тизим дейилади. Бу тизимда ним кислота буфер кислота, туз ва кучли асос эса буфер асос дейилади. Бу гурухга киради:

1. 
   КАРБОНАТЛИ БУФЕР — СО₂, Н₂СО₃, NaНСО₃, Na₂СО₃.
   
2. 
   ФОСФАТЛИ БУФЕР — Н₃РО₄ ва унинг тузлари NаН₂РО₄, Nа₂НРО₄, Nа₃РО₄.
   
3. 
   ОҚСИЛ БУФЕР — оқсиллар NH₂ гурухли аминокислоталардан иборат бўлиб, водород ионларини бирлаштириш ва ажратиб бериш хусусиятига эга.
   

4.ГЕМОГЛОБИНЛИ БУФЕР — окисланган ва тикланган Нв дан таркиб топган. Окисланган гемоглобин кўп водород ионларини беради ва шунинг учун тикланганга нисбатан нордон хисобланади. Веноз қон артериал қонга нисбатан нордон, окисланган оксигемоглобин капилярлар орқали тўқималарга бориб мухитни кислотали қилади, бироқ тўқималарда кислороднинг парциал босими паст бўлганлиги сабабли кислород гемоглобиндан тезда ажралиб тикланади, яъни мухит ишқорийлашади.