Ўзбекистон республикаси соғЛИҚни сақлаш вазирлиги тошкент фармацевтика институти

Кўпгина рангли реацияларнинг минимум сезгирлиги спектрофотометрик ва фотометрик усулларни аниқлашда 0.01-0,001 мкг/см²  оралиғида бажарилади.
Моддалар эритмасини нур ютиш хусусиятини таҳлил қилишда қуйидаги хатоликлар учраши мумкин.
1. Айрим холатларда рангли эритмалар диссоциацияга ёки полимерланишга, эритувчилар билан бирикиши ёки таркибидаги мавжуд бошқа моддалар билан (масалан: тузлар, кислоталар ва асослар), натижада рангли эритмаларни нур ютиш хусусияти ўзгариши мумкин.
2. Натижада изланувчи модданинг оптик кўрсаткичи ўзгриши, ҳамда оптик кўрсаткични модда эритмасининг концентрациясига боғлиқ холати, яъни Бугер-Ламберт-Бер қонунига бўй синмаслиги кузатилади.
3. Колориметрик таҳлил учун ҳосил қилинган рангли эритма маълум рн шароитда, аниқ ранг ҳосил қилувчи реактив миқдорида ва ҳосил бўлиш оралиғи, ҳамда аниқ харорат жараёнида олиб боришни талаб этилади. Масалан: айрим модда эритмалар турғун эмас, хаводаги кислотрод таъсирида оксидланиши, ёруғлик таъсирида парчаланиши, ёки когуляцияга учраши мумкин. Бундай холатларда янги тайёрланган реактив эритмалардан, ҳамда эритмадаги моддани турғунлигини ошириш учун стабилизаторлардан фойдаланишни талаб этади ёки ҳимоячи коллоидлардан желатина, крахмаллардан фойдаланилади.
4. Кўпроқ колориметрик таҳлилни олиб боришда бегона моддалар ранг ҳосил қилишда халақит қилиши мумкин. Бундай холатларда ниқоблаш усулларидан фойдаланилади. Улар оксидланиш-қайтариш, комплекс бирикма ҳосил қилиш ёки экстракция жараёнлари асосида амалга оширилади. Айрим холатларда нур ютиш оралиғини ўзгартириш асосида, яъни халақит қиладиган моддани нур ютмайдиган оралиғида аниқлашни олиб бориш тавсия этилади.
Фотометрия усулининг оддийлиги, универсаллиги ва тез олиб борилишида нур ютишига асосланиб моддани ҳамда таркибидаги чиқинди моддаларни қолдиғини (10^-6%) гача аниқлашни олиб борилиши мумкин. Айниқса саноатда пўлатни, айрим рангли қотишмаларни ва қора металларни, ярим-ўтказгичларни, ҳар хил модда эритмаларини, сув хавзаларидаги сувларни сифатини аниқлашда кенг қўлланилмоқда.