Ўзбекистон республикаси соғЛИҚни сақлаш вазирлиги тошкент фармацевтика институти

Детекторлар
Детекторлар қўзғолувчи газ фазасини ва ажралган компонентларнинг маълум бир хусусиятларини аниқлайди.
Компонентларни аниқлаш хроматографик колонкадан чиқаётган газ оқимининг физикавий, кимёвий ёки физик-кимёвий хусусиятларини ўзгаришини электр сигналига ўтказиш ҳисобига амалга оширилади. Детектор ҳосил қилган сигнали орасидаги моддалар аралашмасини ажралиш сигналарини аниқланади. Сигналнинг ҳосил бўлиши модда аралашмасининг у ёки бу ўлчанаётган параметри ёки хусусиятининг ўзгаришига боғлиқ бўлади.
Детекторнинг электр сигнали системанинг физик-кимёвий хусусиятлари: зичлик, иссиқлик-ўтказувчанлик, иссиқликга ионланиш каби ўзгариши натижасида ҳосил бўладиган детекторнинг электр сигналини хроматограммани ёзиб олувчи қурилма ёрдамида белгиланади. Хроматограммани таҳлил қилиш аралашмадаги моддаларнинг сифат ва миқдорий таҳлилини бажариш имкониятини беради.
Газ-хроматографик таҳлилда бир-биридан иш босқичлари ва тузилиши жиҳатидан фарқланадиган детекторлар қўлланилади: каторометрлар, аланга ионизацион, электрон ушлаб қолувчи детекторлар, термоион детекторлар.
Каторометр иссиқлик ўтказувчанликни аниқлрвчи детектор бу детекторнинг ишлаш брсқичи ўтказувчиларни электр қаршилигини, газларни иссиқлик ўтказувчанлигига боғлиқлигига асосланган.
Каторометр ёрдамида тоза қўзғолувчи газнинг иссиқлик ўтказувчанлиги ва қўзғолувчи газ фазасини таҳлил қилинаётган модда билан аралашмаси иссиқлик ўтказувчанлиги орасидаги фарқи ўлчанади.
Аланга ионизацион детектор-водород алангасида органик моддалар молекулаларнинг ионизацияланиши натижасида ҳосил бўладиган токни ўлчашга асосланган.
Тоза водород ёнганида ионлар деярли ҳосил бўлмайди. Шунинг учун водород алангасининг электр ўтказувчанлиги жуда кичик.
Водород алангасида ёнувчи моддаларнинг ионланиши енгил кўчади (ионлар ёки радикаллар ҳосил бўлади), зарядланган зарраларнинг ҳосил бўлиши аланганинг элктр ўтказувчанлигини ўзгартиради. Аланганинг электр ўтказувчанлиги ёнган модда миқдорига пропорционал равишда ортади.
Термоион детектор – аланга ионизацион детекторнинг модификацияси бўлиб, фосфор, азот ва галогенларга нисбатан юқори сезгирликка эгадир. Термоион детекторнинг ишлаш босқичи водород алангасига элемент-органик бирикмаларнинг тушиши натижасида ишқорий металлар тузларини ионланишининг ортишига асосланган.
Электрон тутувчи детекторда – радиактив нурланиш таъсири остида ионлар ҳосил бўлади. Бу ионларнинг электр ўтказувчанлиги электродлар ёрдамида аниқланади. Радиактив нурланиш манбалари сифатида Н³, N⁶³, Sr⁶⁰ ва бошқаларни олиниши мумкин. Ушбу детекторда ҳамма нейтрал молекулалар ҳам электронларни ушлаб қолаолмайди. Бу хусусиятга таркибига баъзи бир элементлар атомлари (Cl, P, N₂, S, O₂) таркибида бўлган молекулалар ёки маълум функционал группалар бирикмалари (COOH NO₂) эга.