Ўзбекистон республикаси соғЛИҚни сақлаш вазирлиги тошкент фармацевтика институти

Пахикарпин
Пахикарпин - сафора ўсимлигини устки қисмлари ва термопсис баргида сақланади.
Асос холдаги соф пахикарпин тиниқ, рангсиз мойсимон суюқлик бўлиб, хавода туриши натижасида ўзгаради.
Тиббиётда пахикарпин йодид тузи холида ишлатилади, хамда у сув ва спиртда яхши эрийди.
Пахикарпин биообъект таркибидан нордонлаштирилган спирт ва нордонлаштирилган сув усулидан ташқари электродиализ усулида хам ажратиб олинади.
Пахикарпинни асосий қисми ишқорий шароитда, оз қисми
кислотали шароитда органик эритувчи билан экстракцияланади,
уни тиббиётда периферик томирлар спазмида, гипертония касаллигида, гинекологияда бачадонни қисқаришини ошириш мақсадида қўлланилади
Пахикарпин организмда йиғилмайди ва бир сутка ичида организмдан чиқиб кетади.
Баъзи аёллар сунъий аборт чақириш мақсадида пахикарпинни терапевтик дозадан кўпроқ қабул қилган холларда захарланиш рўй бериб, кўнгил айниш, қусиш, бош айланиш ва нафас олишни қийинлашиши кузатилади. Натижада кўз қорачиғи кенгайиб, цианоз, тиришиш ва хаво етишмаслигидан ўлим содир бўлади.
Сифат реакцияси.
1. Пахикарпиннинг J ^- анионига текшириш:
Пахикарпинни хлороформ билан ажратиб олингач, қолган аммиакли суви эритмани 10% H₂SO₄ билан нордонлаштирилади, (лакмус бўйича) унга 2-3 томчи 1% ли нитрит натрий ва 3 мл
хлороформ қўшиб чайқатилса, хлороформ қатлами бинафша рангга бўялади.
NH₄OH
Пахакарпин HJ ------------------> NH₄J + пахикарпин асос+ H₂О 
2NH₄J + 2NaNO₂+ 2H₂SO₄ + хлороформ--->
J₂+Na₂SO₄+ (NH₄)₂SO₄+2NO+ 2H₂O
2. Бушард реактиви билан пахикарпин сариқ рангли дуб барги шаклидаги кристаллар хосил қилади.
3. Кобальт роданид комплекси билан хаво рангли призматик кристаллар ўсимтасини хосил қилади.
4. Пикрин кислотаси билан сариқ яшил рангли кристалл чўкма хосил қилади.
5. Пахикарпинни бром билан оксидланиш реакцияси. Пахикарпин эритмаси билан шимдирилган филтр қоғозни бром буғига тутилса сариқ ранг хосил бўлади, сариқ ранг аммиак билан бирга қиздирилганда қизил рангга ўтади.
6. Мис йодид комплекси билан сариқ рангли кристаллар тўпламини хосил қилади.
Миқдори 
Пахикарпин бромфенол кўки билан хосил қилган комплекси хлороформ билан экстракцияланиб сўнг, экстракцион фотометрик усулда аниқланади.