Ўзбекистон республикаси соғЛИҚни сақлаш вазирлиги тошкент фармацевтика институти

• 8 – Маъруза
• Органик реагентларни аналитик кимёда қўлланиши. Моддаларни ажратиш ва концентрлаш усуллари

Режа: 1. Органик реагентлар, қўлланиши, афзаллиги. 2. Металлар билан комплекс бирикма ҳосил бўлишига асосланган реакциялар. 3. Органик бирикмаларни специфик ва индикатор хусусиятлари. 4. Моддаларни ажратиш ва концентрлашни асосий тушунчалари ва таснифи. 5. Чўктириш ва биргалашиб чўкиш.

1.Органик реагентлар аналитик кимё ва фармацевтик тахлилда кенг қўлланади. Аналитик самара намоён этувчи органик бирикмалар органик реагентлар дейилади. Кимёвий тахлилда органик реагентни биринчи бор, 1885 йилда рус олими М.А.Ильинский, Со3+ ионини очиш учун, α-нитрозо, β-нафтол реагентини қўллаган.

Органик реагентларни тахлилда қўллаш қонуниятларини Л.А Чугаев асослаб берган. 1905 йилда у никель ионини очиш учун тахлилда диметилглиоксимни қўллади. Бу реакция юқори сезгирликга эга W=1:300000 т/мл, m=0,17 мкг

Органик реагентларни тахлилда кенг қўлланишида рус олимларидан И.Р. Алимарин, А.К.Бабко, Ю.А.Золотов ва ўзбек олимларидан Ш.Т.Толипов, К. Рахматуллаев, Р. Джиянбаева ва бошқалар хисса қўшганлар. Органик реагентлар анорганик реагентларга нисбатан қатор афзалликларга эга: 1. сезгирлиги юқори бўлгани учун, бошқа усулларда очиб бўлмайдиган ионни очиш имконини беради 2. аксарият органик реагентлар ўта селектив ва специфик хоссага эга 3. органик реагентлар индикатор сифатида миқдорий тахлилда кенг қўлланади.

2. Металлар билан комплекс бирикма ҳосил бўлишига асосланган реакциялар.

• Металлар органик лигандлар билан хелат бирикмалар
• ( ёки ИКБ) ҳосил қилиши учун уларнинг молекулалари таркибида функционал фаол гуруҳлар (ФФГ) бўлиши керак. Уларга: ОН, С=О, -N=N-, C=S, О= ва х.к. Органик лигандлар таркибида ФФГ дан ташқари аналитик фаол гуруҳлар (АФГ) ҳам иштирок этади. Улар ФФГ нинг аналитик самарасини кучайтиради. Уларга: -COOH, CI-, Br-, SO3-2, -OCH3 ва х.к. киради. Мисол: