Ўзбекистон республикаси соғЛИҚни сақлаш вазирлиги тошкент фармацевтика институти

Абсолют концентрлаш – жараёнида катта хажм (масса)даги микро таркибий қисм кичик хажм (масса) га ўтказилади. Масалан: ош тузини жуда суюлтирилган эритмаси батамом буғлатилса, таркибидаги микро миқдордаги туз кичик хажмли (масса) эритмада йиғилиб қолади. Нисбий концентрлаш – микро таркибли ва макро таркибли моддалар миқдорий нисбатини ошириш жараёни. Нисбий концентрлаш натижаси концентрлаш омили ёки коэфициенти (F) билан тавсифланади. F = Q1/Q2 : Q1o/Q2o = Q1∙Q2o /Q1o ∙Q2 Ажратиш усулларини таснифи макро- ва микро таркибий қисмларнинг физик ва кимёвий хоссаларини фарқига асосланган. Моддаларни ажратиш усулларининг қуйидаги турлари мавжуд.

1. Буғлатиш (хайдаш, буғлатиш, сублиматлаш) 2. Кулни ажратиш – доривор ўсимликни тахлил этилади. 3. Чўктириш ва биргалашиб чўкиш 4. Кристаллаш 5. Экстракция 6. Сорбцион усуллар 7. Электрокимёвий усуллар (электролиз) 5. Чўктириш ва биргалашиб чўкиш. Адсорбция, оккулюзия ходисалари туфайли бир эритмадаги микро таркибий қисмни макро таркибий қисм чўкмасига қўшилиб чўкиши биргалашиб чўкиш дейилади. Биргалашиб чўкиш жараёнида аралашмада миқдори жуда оз бўлган ионни ўзида тўплаб чўкувчи макро компонентнинг чўкмаси – коллектор (яъни тўпловчи, йиғувчи) дейилади. Масалан, Мис (II) катиони учун HgS, рух (II) катионига MnO(OH)2 чўкмаси коллектор вазифасини бажаради.

Биргалашиб чўкишнинг сабаби иккита: 1) Макро таркибий қисм чўкмасига бегона ионларини механик қўшилиб қолиши. 2) Окклюзия яъни макро таркибий қисмнинг чўкмаси хосил бўлиш жараёнида радиуси чўктирилувчи катионга яқин бошқа катионларни кристалл ичидаги бўшлиқга қириб аралаш чўкма хосил бўлиш ходисаси. Биргалашиб чўкишни сиртқи ва ички турлари мавжуд. Бегона ионларни чўкма сиртига адсорбцияланиб чўкиши – биргалашиб чўкишнинг сиртқи турига мансуб. Микротаркибий қисм коллекторнинг бутун хажми бўйича биргалашиб чўкиши – биргалашиб чўкишни ички турига мансубдир.