Ўзбекистон республикаси соғЛИҚни сақлаш вазирлиги тошкент фармацевтика институти

ИСЛОМ ТАРАҚҚИЁТ БАНКИ (ИТБ) – халқаро банк. 1974 йил мусулмон 
давлатлари ташқи ишлар вазирларининг кенгашида ИТБ ни тузиш ҳақида қарор қабул 
қилинган, банк ўз фаолиятини 1975 йилда бошлаган. Қароргоҳи Жиддада. ИТБни 
Бошқарувчилар кенгаши ва Директорлар кенгаши бошқаради. Банк президенти 5 йил 
муддатга сайланади. Мақсади – Мусулмон мамлакатларининг иқтисодий ва ижтимоий 
тараққиѐтига ѐрдам бериш. Исломда пулга фойда олиш тақиқлангани сабабли банкка 
қўйилган маблағлар учун фоиз олинмайди ва берилмайди. 
ИСЛОМ ФУНДАМЕНТАЛИЗМИ – Қуръон ва ҳадисларга сўзма-сўз талқин 
этувчи, илк исломга қайтишга қаратилган ақидаларни тарғиб қилувчи диний-консерватив 
руҳдаги оқим. Ислом фундаментализми вакиллари исломнинг фундаментал (асосий) 
тамойиллари жамиятнинг тараққиѐт йўлини белгилаб беради, деб ҳисоблайдилар ва фақат 
уларга амал қилишга даъват этади. Кейинги пайтларда мутаассиб мусулмонлар 
―фундаменталистлар‖ деб аталмоқда.
ИСЛОМГАЧА БЎЛГАН МАЪНАВИЙ МЕРОСИМИЗНИНГ НАМУНАЛАРИ – 
муқаддас ―Авесто‖ китобида, ―Култегин‖, ―Билга Хоқон‖, ―Тўнгюқуқ‖ битиклари, 
Кайхусрав ва Дорога қарши курашган миллий қаҳрамонларимиз ҳақида ―Тўмарис‖, 
―Широқ‖ афсоналари, Македонский (Искандар Зулқарнайн)га қарши курашган Спитамен 
ҳақидаги ривоятлар, Панжикентда топилган (1932 йилда) сўғд ѐзувидаги 86 ҳужжат, 
Хоразмдаги Тупроқ қалъадан топилган 83 дан ортиқ қадимги Хоразм ѐзувларида ва бошқа 
ҳужжатларида ўз аксини топган.
  
ИСЛОМ – (арабча-бўйсуниш, итоат этиш, ўзини Аллоҳ иродасига топшириш) – 
жаҳонда кенг тарқалган уч дин (буддавийлик ва хиристианлик билан бир қаторда) дан 
бири. Ислом динига эътиқод қилувчилар арабча ―муслим‖ (―исломни қабул қилган‖, 
―итоатли ‖, ―садоқатли‖; кўплиги ―муслимум‖) деб аталади. ―Муслим‖, ―муслимум‖ 
сўзининг бошқа халқлар орасида ўзгача талаффуз этиш (масалан, форсларда – мусалмон, 
ўзбекларда - мусулмон, қирғиз ва қозоқларда – мусурмон, Уқраина ва Россияда – 
басурмон) натижасида бу динга эътиқод қилувчилар турли ном билан аталади. Лекин 
буларнинг ичида ҳозир мусулмон ибораси кенг тарқалган.Жаҳонда қариб 1,2 млрд киши 
Исломга эътиқод қилишади.

---