Ўзбекистон Республикаси Соғлиқни Сақлаш Вазирлиги Тошкент фармацевтика институти Педагогик технологиялар ва педагогик

Тўла ўқитиш концепцияси ва қайта такрорланадиган ўқитиш 
цикли таркиби ва тузилмаси 
Технологик жараѐн ишлаб чиқарилган технологик ҳужжатлар асосида 
амалга оширилади, бу ҳужжатларнинг асосий таркибий қисми эса технологик 
хариталар ҳисобланади. Технологик ҳужжатлар, қайта такрорланадиган 
ишлаб чиқариш циклининг қанча маҳсулот керак бўлса, уни шунча марта 
амалга ошириш имконини беради. 
Шунга ўхшаш, педагогик технология доирасида қайта такрорланадиган 
ўқитиш циклини амалга ошириш учун, унинг якунловчи босқичида 
педагогик-технологик хариталар ишлаб чиқилади. Унинг асосида ўқитиш 
жараѐнини бир неча марта ташкил этиш мумкин, яъни қайта такрорланадиган 
ўқитиш циклини рўѐбга чиқариш мумкин. Педагогик технологик хариталар, 
педагогик технологияни кўп нусхада кўпайтиришга ва ўқув юртининг қаерда 
жойлашганлигидан қатъий назар кўзланган ўқитиш натижаларига эришишга 
имконият яратади. Педагогик технологик характерларнинг шакли ва мазмуни 
– жадвалда келтирилган. 
Педагогик технологик харита ҳар бир мавзу модул учун алоҳида 
тузилади. Уларнинг мажмуаси педагог технологик хариталар альбомини 
ташкил этади. 
Педагогик технологик харита – педагогик технологиянинг қайта 
такрорланадиган ўқитиш циклини ташкил этувчи ҳужжатларидан 
биридир. 
Қайта такрорланадиган ўқитиш цикли қуйидаги босқичларни ўз ичига 
олади Ўқув фанининг умумий мақсадини ўрнатиш. Ўқув режадаги ҳар бир 
фан мутахассиснинг шаклланиши учун маълум бир мақсадга эга. Бу мақсад 
аниқ ифодаланиши ва фанни ўрганишдан олдин ҳар бир талабага етказилган 
бўлиши керак. 
Ҳар бир мавзуни ўзлаштириши унинг ўрганишдаги ўқув мақсадини 
тўғри қўйилишига боғлиқ. Ўқув фанини тўла ўрганишдаги мавзунинг 
аҳамияти ўқув мақсади тоифасини белгилайди. 
Назорат саволлари 
1. Лойиҳалашнинг асосий босқичлари таркиби ўз ичига нималарни 
олади. 
2. Анъанавий тушунтириш – кўргазмали таълимда ўқув мақсадларини 
қўйиш усулларини тушунтириб беринг. 
3. Б. Блумнинг педагогик таксономияси ва уни қандай мақсадларда 
қўллашни тушунтириб беринг. 
4. Б. Блумнинг икки ўлчамли ўқув мақсадларини тоифалаш жадвалидан 
мутахассислигингиз бўйича фандан бирорта мавзунинг ўқув мақсадларини
қандай мақсадларда фойдаланишингизни тушунтиринг. 

---

37 
5. Педагогик мониторинг тушунчаси нима? Педагогик технологиялар 
асосида қурилган таълим жараѐнида у қандай амалга оширилади? 
6. Ўқув мақсадларига эришишни баҳолаш ва назорат турларини 
тушунтиринг. 
8. Нима учун бутун ўқитиш жараѐнида тестлардан узлуксиз 
фойдаланилади? 
Диагностик 
тестлар, 
тестларнинг 
гуруҳланишини 
тушунтириб беринг. 
9. Ўз мутахассислигингиз бўйича танланган мавзу материали асосида 
шакллантирилган ўқув мақсадларини очиқ ва ѐпиқ тестларга ўтказинг.