Ўзбекистон республикаси соғЛИҚни сақлаш вазирлиги тиббий таълим ривожлагтириш маркази тошкент тиббиёт академияси

Талабаларнинг мустақил иши мундарижаси
1. Тромбоз ва унинг оқибатларини макропрепаратлар: «Аорта деворидаги тромб», «Оёқлардаги чуқур веналардаги тромблар», «Юракнинг сурункали аневризмасидаги тромб», «Юрак бўлмачасининг қулоқчасидаги шарсимон тромб» ва микропрепарат: «Томирдаги аралаш тромб» мисолларида ўрганиш.
2. Эмболия ва унинг турларини макропрепаратлар «ўпка артериясининг тромбоэмболияси», «Эмболик йирингли нефрит», «Ошқозон ракининг жигардаги метастазлари» ва микропрепаратлар «Ўпка томирларининг ёғли эмболияси», «Ўсма хужайлари эмболияси», «Жигардаги бактериал эмболия» мисолларида ўрганиш.
3. Инфарктларнинг турларини макропрепаратлар «Талоқнинг ишемик инфаркти», «Миокарднинг геморрагик гултожли ишемик инфаркти», «Ўпканинг геморрагик инфаркти» ва микропрепаратлар «Талоқнинг ишемик инфаркти», «Ўпканинг геморрагик инфаркти» мисолларида ўрганиш.
Дарснинг ташкил этилиши,ўрганалидиган препаратлар таснифи
Микропрепаратлар

1. Ўпка томирларининг ёғли эмболияси (суданом III билан бўялган) –ўпканинг кўп капиллярлари ёғ томчилари билан тўлган. Ёғ судан билан сариғ-қизғиш рангга бўялган. Капиллярларнинг 2/3 қисмидан кўпи обтурацияланганида асфиксия натижасида ўлим юзага келади, бу ҳолат тери ости клетчаткасининг жароҳатларида, найсимон суякларнинг жароҳати ёки оловли отишмасида суяк кўмигининг шикастланиши, вена ичига ёғли эритмаларнинг юборилиши натижасида кузатилади.
	Ўсма ҳужайраларининг эмболияси (гематоксилин ва эозин билан бўялган) – «Меланоманинг лимфатик тугундаги метастазлари». Ўсимтанинг тўқималари лимфатик тугуннинг тузилмасини алмаштиради ва полиморф ядроли ҳужайралардан (ҳужайравий атипизм) ташкил топган, кўп ҳужайраларда меланин заррачали (биттадан то ҳужайранинг ҳамма цитоплазмасини тўлдирган), ўсимта ҳужайраларининг митозга мойиллиги фаоллашган.
Эмболик йирингли нефрит: кичик томирлар бўшлиғида бактериал эмболалар (гематоксилин билан базофил бўялган ). Уларнинг баъзиларининг атрофида нейтрофил лейкоцитлар инфильтрацияланиб томирлар деворини шикастлайдилар (йирингли деструктив ўчоқли васкулит, кўпроқ капиллярит). Жойларда нейтрофил лейкоцитлар катта ўчоқли гистолизли инфильтратларни буйрак тўқимасининг ўртасида – бактерияларнинг колониялари (йирингли экссудат, абсцесслар). Абсцесслар бошида бактериал эмболиядаги йирингли деструктив ўчоқли васкулитга ўхшайдилар. Перифокал яллиғланувчи гиперемия ва шишиш кузатилади; гематоксилин ва эозин билан бўялган.
		4. Буйракдаги ишемик инфаркт (гематоксилин ва эозин билан бўялган) –препаратда нормал тўқималар ва инфаркт соҳаларидаги аниқ чегара кўринади, инфаркт соҳаси некрознинг тузилишсиз эозинофил массаси, четида эса лейкоцитлар ва фибробластлар тўплами.
			5. Ўпканинг геморрагиик инфаркти (гематоксилин ва эозин билан бўялган) – ўпка тўқимасида некроз соҳасини ажратиш мумкин: септали ҳужайраларда ва альвеолалар эпителийсида ядроларнинг бўлмаслиги, баъзи алвеоляр тўсиқлар бузилган. Некроз соҳаси қонга шимдирилган. Некроз соҳасининг атрофида қонга тўлган томирларни, лейкоцитлар массаларни ва алвеолалар бўшлиғида оқсилли суюқликни кўриш мумкин. Ўпка артериясининг кичик шохлари троблар билан тиқилиб қолганлар.
			6. Томирдаги аралаш тромб (гематоксилин ва эозин билан бўялган) –венанинг бўшлиғи аралаш тромб билан тўла ёпилган (тиқилган). У фибрин толаларидан, гемолизланган эритроцитлар, лейкоцитлар ва тромбоцитлардан ташкил топган. Тромбатик массаларнинг айрим қисми интима томидан бириктирувчи тўқима билан тўлган. Эндотелий билан қопланган тирқишларни кузатиш мумкин – тромбнинг канализацияси.