Ўзбекистон Республикаси Соғлиқни сақлаш вазирининг

2. СИЙДИК-ТОШ КАСАЛЛИГИ 
2.1. Буйрак санчиғи. 
Оғриқни қолдириш 
Буйрак санчиғини даволашнинг биринчи босқичи – оғриқни қолдириш. 
Буйрак санчиғида ностероид яллиғланишга қарши воситалар (НЯҚВ) (масалан, 
метамизол натрий, диклофенак) оғриқни самарали қолдириши клиник 
тадқиқотларда яққол кўрсатган. Ушбу воситалар опиатларга қараганда яхшироқ 
оғриқсизлантиради ва НЯҚВ қўлланган беморларда оғриқ камайиши кўпроқ 
сезилади ва яқин оралиқда қайта оғриқсизлантириш кам холларда керак бўлади. 
Агар опиат қўлланилса, петидинни танлаш тавсия этилмайди, чунки опиатлар, 
ва айниқса петидин, НЯҚВга қараганда кўпроқ кўнгил айниш ва қусиш чақиради ва 
қайта оғриқсизлантиришни талаб қилади. 
Буйрак санчиғида оғриқни қолдириш бўйича тавсиялар 
1-қатор терапия: даволашни диклофенак натрий, индометацин, ибупрофен каби 
НЯҚВдан бошлаш лозим. 
2-қатор терапия: гидроморфин; пентазоцин; трамадол. 
Буйрак санчиғининг қайта хуружида оғриқни қолдириш учун диклофенак натрий 
қўллаш тавсия қилинади.
 Буйрак етишмовчилиги бор беморларда диклофенак буйрак фаолиятига таъсир 
этиши мумкин, лекин у соғлом одамларнинг буйрак фаолиятига таъсир қилмайди.
Литокинетик терапия 
Кўп холларда сийдик найидаги конкремент ўзи тушиб кетади.
Беморда сийдик найидаги конкремент ўзи тушиб кетиш эхтимоли бўса, НЯҚВ 
таблеткалари ёки шамчалари (диклофенак натрия, 100–150 мг/кунига 3–10 кун 
давомида) яллиғланишни йўқотади ва оғриқ кайталаниши хавфини камайтиради. 
Буйрак етишмовчилиги бор беморларда диклофенак буйрак фаолиятига таъсир 
этиши мумкин, лекин у соғлом одамларнинг буйрак фаолиятига таъсир қилмайди. 
Буйрак санчиғи қайталанишини альфа-блокаторлар камайтиради. 
Агар дори воситалари билан оғриқсизлантира олинмаса, сийдик найи стенти 
билан дренажлаш ёки тери орқали нефростомия қилиш ёки тошни олиб ташлаш 
керак.