Ўзбекистон Республикаси Соғлиқни сақлаш вазирининг

7.4.10. Кузатувни олиб бориш 
Симптомларсиз беморлардан даволанишдан кейин умумий сийдик анализи ва/ёки 
стериллик учун сийдик экмалари олиниши шарт эмас, чунки симптомлар йўқлигидан 
бошқа бактериал простатитни даволашни тасдиқловчи усуллар мавжуд эмас [226]. 
Жинсий йўл орқали юқадиган инфекциялар бўйича доимий симптомлар ва қайталанган 
ижобий натижалар бўлган беморларда шерик(лар)ни текширувдан ўтказиш тавсия 
этилади. Бундан ташқари, антибактериал даволашни узоқроқ вақтли курс, анча катта 
дозалар ва/ёки бошқа дорилар билан такрорлаш мумкин [226]. 

---

127 
8
. ЎТКИР ИНФЕКЦИОН ЭПИДИДИМИТ 
8.1. 
Эпидемиология, этиология ва патогенез 
Эпидидимит – бу кенг тарқалган касаллик бўлиб, касалланиш даражаси йилига 
10000 эркак катталар ичидан 25 дан 65 ҳолатгача учрайди. Бу ўткир, сурункали ёки 
қайталанадиган бўлиши мумкин [263]. Клиник жиҳатдан ўткир эпидидимит оғриқ, шиш ва 
иситма билан ажралиб туради. Ўзгаришлар мояк ва ёрғоқ терисида бўлиши мумкин. 
Одатда, эпидидимит патогенларнинг уретра ёки қовуқдан кўчиши билан боғлиқ. Болалар 
ва ёш эркакларда мояк ва уруғ тизимчасининг буралиши билан дифференциал ташхислаш 
муҳим аҳамиятга эга. 
Асосий қўзғатувчиларга 
Chlamydia trachomatis
, 
Enterobacteriaceae
(одатда 
E. coli
) 
ва 
Neisseria gonorrhoeae
киради [264]. Анал жинсий алоқада бўлган ёки сийдик йўллари 
патологиясига эга бўлган эркаклар 
Enterobacteriaceae
туфайли келиб чиқадиган 
эпидидимит ривожланиш хавфи юқори. Сўлак безлари катталашиши ва вирусли 
инфекциянинг продромал симптомлари кузатилганда эпидемик паротит вирусига гумон 
қилиш керак. Бундан ташқари, айниқса, юқори даражадаги хавфга эга гуруҳларда, шу 
жумладан иммунитет танқислиги бўлган эркаклар ва сил касаллиги кенг тарқалган 
мамлакатларнинг аҳолисида учрайдиган силли эпидидимитни эсдан чиқармаслик керак. У 
кўпинча моякда оқмалар шаклланишига олиб келади. Эпидидимитнинг кам учрайдиган 
сабабларига 
Brucella
ва 
Candida
киради.