Ўзбекистон Республикаси Соғлиқни сақлаш вазирининг

4.2. 
Даволаш
4.2.1. Амбулатор даволаш
Фторхинолонлар ва цефалоспоринлар асоратланмаган пиелонефритни перорал 
эмпирик даволаш учун тавсия этилиши мумкин бўлган ягона дори воситасидир. Бунда, 
оғиз орқали қабул қилинадиган цефалоспоринлар томир орқали юбориладиган дори 
воситаларига қараганда қонда ва сийдикда анча паст концентрацияни ҳосил қилади. 
Нитрофурантоин, фосфомицин ва пивмециллинам каби дори воситаларини қўллашдан 
сақланиш керак, чунки улар буйрак тўқималарида етарли даражадаги концентрацияни 
ҳосил қилмайди [5]. Аллергия ёки фторхинолонларга исботланган резистентлик мавжуд 
бўлган ҳолатларда бошқа мақбул дори воситалари қаторига триметоприм-
сульфаметоксазол (160/800 мг) ёки перорал бета-лактамлар киради, агар сезувчанлик 
исботланган бўлса. Агар бу дорилар экма натижалари олинишидан олдин буюрилса, аввал 
томир орқали узоқ муддатли таъсир қилувчи парентерал препаратни (масалан, 
цефтриаксон) юбориш керак. 
4.2.2. Стационар даволаш 
Карбапенемлар фақат сийдик текширувларида полирезистент штаммлари 
аниқланган беморларга тавсия этилади. 
Шифохонага ётқизилиши талаб қилинадиган асоратланмаган пиелонефритли 
беморларга аввал томир орқали антибиотиклар, шу жумладан фторхинолонлар, 
аминогликозид (ампициллин билан ёки усиз), цефалоспоринлар ёки кенг спектрли 
таъсирга эга пенициллинлар тайинланиши керак [6]. 
Дори воситаларини танлаш резистентлик маълумотларига ва сезувчанлик бўйича 
таҳлил натижаларига боғлиқ. Уросепсис симптомлари учун кенгайтирилган спектрли 
бета-лактамазаларни ишлаб чиқарадиган бактерияларга қарши фаол бўлган дори-
дармонларни эмпирик равишда тайинлаш тавсия этилади [7]. Ахволи яхшилангандан 
сўнг, беморлар сув ичишлари мумкин бўлганида, уларни перорал дори воситалари билан 
даволашга ўтказиш мумкин [8]. 

---

110