Ўзбекистон Республикаси Соғлиқни сақлаш вазирининг

1.5.2. Тошнинг жойлашиши 
Тошларни сийдик йўлларининг анатомик тузилмаларида жойлашган жойига қараб 
таснифлаш мумкин: юқори, ўрта ёки пастки косачада, буйрак жомида, проксимал, ўрта 
ёки дистал сийдик найида ва қовуқда.

---

23 
1.5.3. Рентгенологик хусусиятлари 
Тошларни қорин бўшлиғининг умумий рентгенографиясидаги тасвирига кўра 
таснифлаш мумкин (3-жадвал), бу уларнинг минералогик таркибига боғлиқ. Тошларни 
зичлиги, ички тузилиши ва таркиби бўйича таснифлаш учун контрастсиз компютер 
томография (КТ) қўлланилади. Ушбу маълумотлар даволаш тактикасини танлашга 
бевосита таъсир қилади. 
3-жадвал. Тошларнинг рентгенологик хусусиятлари 
 
Рентгенконтраст тош
Кам контраст тош
Рентгеннегатив тош 
Кальций оксалатнинг 
дигидрати
Магний ва аммоний фосфат Сийдик кислота 
Кальций оксалатнинг 
моногидрати 
Апатит 
Аммоний урат 
Кальций фосфат 
Цистин 
Ксантин 
2,8-дигидроксиаденин 
Дорили тошлар 

---

24 
2. ДИАГНОСТИКА 
2.1. 
Визуализация усуллари 
Текширув усулларини танлаш клиник ҳолатга боғлиқ ва сийдик найи тошлари ва 
буйрак тошларига шубҳа туғилганда фарқ қилади. 
Стандарт текширув тўлиқ анамнез тўплаш ва физикал текширувни ўз ичига олади. 
Сийдик найида тошлари бўлган беморларда одатда бел оғриғи, қусиш ва баъзида иситма 
кўтарилиши ҳолатлари юзага келиши мумкин, аммо улар симптомсиз кечиши ҳам 
мумкин. 
Ташхислашнинг дастлабки усули сифатида УТТ ишлатилиши мумкин, аммо 
визуализацияни ўтказишгача оғриқни қолдириш ва бошқа шошилинч чораларни 
кечиктириш мумкин эмас. УТТ хавфсиз (ионлаштирувчи нурланиш ишлатилмайди), 
бажариш мумкин бўлган ва арзон усулдир; УТТ буйрак косачалари, жоми, жом-сийдик 
найи ва қовуқ-сийдик найи сегментларидаги тошларни аниқлашга (қовуқнинг тўлган 
ҳолатида), шунингдек, юқори сийдик йўллари кенгайишини ташхислашга имкон беради. 
Сийдик найи тошлари бўлганда УТТ сезгирлиги 45%, спецификлиги - 94%, буйрак 
тошлари бўлганда эса мос равишда 45 ва 88%ни ташкил этади [8]. 
Умумий урографиянинг сезгирлиги ва спецификлиги мос равишда 44, 77%ни 
ташкил этади [9]. Агар контрастсиз КТ ўтказиш режалаштирилган бўлса, умумий 
урография тавсия этилмайди [10], гарчи у рентген-негатив ва рентген-контраст тошларни 
фарқлаш имконини берса ҳам. Бундан ташқари, дастлабки маълумотлар кейинги кузатув 
пайтида таққослаш учун ишлатилиши мумкин.