Ўзбекистон Республикаси Президентининг 2020 йил 29 декабрдаги Олий Мажлисга Мурожаатномаси ҳамда 2020 йил 25 декабрь куни мамлакат ёшлари билан видеоселектор тарзида ўтказилган “Ўзбекистон ёшлари” форуми юзасидан тезислар

41. 2022 йилда Бухоро вилоятида “Шашмақом” ёшлар фестивали ташкил этилади.
42. Янги Ренессанснинг илк қадами сифатида Тошкент шаҳрида замонавий ва муҳташам кутубхона барпо этилади.
43. Осиё ўйинлари дастурига киритилган спорт турлари бўйича туман, шаҳар, вилоят ва республика чемпионатлари, “Ҳоким кубоги” мусобақалари ташкил этилади.
44. Ҳар бир ҳудуд ва соҳа кесимида “Ватанпарвар” ташкилоти базасида ёшлар меҳнат бозорида эҳтиёж юқори бўлган касбларга ўқитилади.
45. Алишер Навоий, Бердақ, Ибрайим Юсупов, Кунхўжа, Ажиниёз Қосибой ўғли, Тўлепберген Қаипбергенов каби улуғ адиблар хотирасига Нукус шаҳрида “Адиблар ҳиёбони” барпо этилади.
46. Турин политехника университетининг Жиззах филиали ташкил этилади.
47. Маркази Самарқанд шаҳрида бўлган Ўзбекистон талабалар ассоциацияси ташкил этилади.
48. Замонавий ахборот технологиялари соҳасида фаолият юритаётган, ушбу соҳада муайян ютуқларга эришган истеъдодли ёшларда янада мотивация уйғотиш мақсадида уларни ривожланган хорижий компанияларга (Гоогле, Фаcебоок, Аппле, Амазон) саёҳатлари уюштирилади.
49. Ўрта Осиё ҳаттотлик санъати анъаналарини қайта тиклаш ва ривожлантириш мақсадида Ислом цивилизация маркази жойлашган Ҳазрати имом мажмуаси ҳудудида “Китобот илми мактаби”ни ташкил этилади.
50. 2021 йил 1-5 май кунлари “Андижон ёшлар форуми” ташкил этилади.
51. Ўзбекистон Республикаси давлат мустақиллигининг 30 йиллигига бағишлаб, мамлакатимизнинг барча ҳудудларидан фаол ёшларни жалб қилган ҳолда 2021 йил август ойида “Фарғона ёшлар форуми” ташкил этилади.
52. Ёш оилаларни арзон уй-жойлар билан таъминлаш мақсадида 2021-2023 йилларда Ёшлар уйларини қуриш дастури юзасидан ҳукумат қарори қабул қилинади.