Ўзбекистон Республикаси Президентининг 2020 йил 29 декабрдаги Олий Мажлисга Мурожаатномаси ҳамда 2020 йил 25 декабрь куни мамлакат ёшлари билан видеоселектор тарзида ўтказилган “Ўзбекистон ёшлари” форуми юзасидан тезислар

20. Ўзбекистон Республикаси давлат мустақиллигининг
30 йиллигига бағишлаб, мамлакатимизнинг барча ҳудудларидан фаол ёшларни жалб қилган ҳолда 2021 йил август ойида “Фарғона ёшлар форуми” ташкил этилади.
21. “Ҳар бир тадбиркор – ёшларга мададкор” тамойили асосида кўнгилли тадбиркорларни жалб этган ҳолда 1 нафар тадбиркорга 1 нафардан ишсиз ёшларни бириктириш ташаббуси амалга оширилади.
22. “Ҳунарли киши хор бўлмас” ғояси асосида уста ҳунармандлар қўлида ишсиз ёшларга касб-ҳунар ўргатиш мақсадида ҳудудларда “устоз-шогирд” анъанаси мутлақо янги кўринишда ташкил этилади.
Бунда, уч ой муддатда “устоз-шогирд” анъанасига жалб этиладиган ҳунарманд усталарни Бандликка кўмаклашиш жамғармасидан моддий рағбатлантириш тизимини жорий этиш.
23. Аксарият шаҳар ва туманларда “Ёшлар кичик саноат зоналари” ташкил этилади.
24. Ёшлар, айниқса, уларнинг уюшмаган қатлами билан масъуллар ўртасида тўғридан-тўғри мулоқот ўрнатишга хизмат қилувчи “Ёшлар мурожаати” электрон платформаси яратилиб амалиётга жорий этилади.
25. 2021 йилда касб-ҳунар ва тадбиркорликка ўқиб, сертификат олган ёшларга имтиёзли фоизларда микрокредитлар ажратилади.
Бундай кредитларни 3 йил имтиёзли даври билан 7 йил муддатга бериш, банк томонидан ушбу мақсадлар учун 2021 йилда 45 миллион долларлик микрокредитлар кўзда тутилган.
26. Иш берувчиларга ёш кадрларни иш билан таъминлаган даври учун тегишли имтиёзлар тақдим этиш масаласини кўриб чиқилади.
27. Халқаро таълим дастурлари (имтиҳонлар) бўйича энг юқори балл тўплаган иқтидорли ёшларга имтиҳон топшириш харажатларини тўлиқ қоплаб бериш тартиби йўлга қўйилади.
28. Ҳар бир туман ва шаҳардан камида 5 нафардан ёшларни маданият ва санъат олийгоҳларида маҳаллий бюджет ҳисобидан ўқитиш бўйича дастур ишлаб чиқилиб, амалга оширилади.
29. 2021 йилдан бошлаб ҳар йили ҳар бир туман ва шаҳар ҳокимлари томонидан 10-15 нафар истеъдодли ёшларни саралаб, уларни ҳар томонлама тарбиялаш ва мунтазам рағбатлантириш тизими йўлга қўйилади.