Ўзбекистон Республикаси Президентининг 2020 йил 29 декабрдаги Олий Мажлисга Мурожаатномаси ҳамда 2020 йил 25 декабрь куни мамлакат ёшлари билан видеоселектор тарзида ўтказилган “Ўзбекистон ёшлари” форуми юзасидан тезислар

30. 2021 йилдан бошлаб мактаб ўқувчилари ва олий ўқув юртлари талабалари ўртасида “Бўлажак олим” танлови ташкил этилади.
Бу орқали ёшларнинг энг яхши инновацион ҳамда стартап лойиҳаларига 50 миллиард сўм маблағ йўналтирилади.
31. Тошкент вилоятида Ахборот технологиялари университети филиали ҳамда барча ҳудудларда мазкур йўналишда техникумлар ташкил этилади.
32. Ёшларнинг халқаро “ИТ” сертификатларини олиш харажатларининг 50 фоизгача бўлган қисмини бюджетдан қоплаб бериш тартиби ишлаб чиқилиб, жорий этилади.
33. “Бир миллион дастурчи” лойиҳаси доирасида 2021-2022 йилларда 300 минг нафар ёшларни компьютер дастурлаш асосларига бепул ўқитилади.
34. “Камалак юлдузлари”, “Йилнинг энг фаол ёшлар етакчиси”, “Йил сардори”, “Талабалар фестивали”, “Интеллектуал ўйинлар” ҳафталиги, “Йил талабаси” сингари кўрик-танлов ва мусобақалар ташкил этилади.
35. Олий таълим муассасаларига кириш имтиҳонларида энг юқори балл тўплаган 200 нафар ёшлар учун “Президент гранти”ни жорий этилади.
36. Илм йўлини танлаган иқтидорли ёшларни қўллаб-қувватлаш мақсадида магистратура ва докторантура босқичлари учун Президент стипендияси квотаси икки баробарга оширилади.
37. Икки ва ундан ортиқ фарзанди олий ўқув юртида шартнома асосида ўқиётган оилаларга имтиёзли таълим кредити бериш тартиби жорий этилади.
Бунда, кредитни ўқиш даври тугаб, ёшлар ишга жойлашгандан сўнг қайтариш назарда тутилган.
38. Олий таълим муассасаларида фаолият юритаётган ёшлар етакчилари ҳамда факультет етакчилари учун ойлик устама тўловларини тўлаб бериш тизими йўлга қўйилади.
39. Алишер Навоий асарларининг бугунги ёшлар тушунадиган ихчам намуналари яратилиб, турли мобиль илова ва электрон дастурлар ишлаб чиқилади.
40. “Абдулла Орипов издошлари”, “Ўткир Ҳошимов асарлари билимдони”, “Ботир Зокиров санъати давомчилари” кўрик-танловларининг туман, шаҳар, вилоят ва республика босқичлари ташкил этилади.