|
Хулоса ва таклифлар
“Ўзбекистон Республикаси Ташқи иқтисодий фаолият миллий банки” АЖда ўтаган стажировка давомида Банк фаолияти билан боглиқ вазифалари, функциялари ва давлат, жамият ҳамда хўжалик юритувчи субектлар билан ўзаро алоқаларини таҳлил килиб, магистрлик диссертацияси мавзусига оид маълумотларни йигдим.
Шунингдек, “Ўзбекистон Республикаси Ташки иктисодий фаолият миллий банки” АЖ бошкаруви раиси ўринбосари Б.Жалиловдан амалиёт ўташ жараёнида лидерлик, бошқарув маҳорати, тизимли фикрлаш кобилияти, ўзгаришларга мослашувчанлик каби бошкарув компетенцияларини намоён этиш, масъулиятлилик, бошкаларни ишонтириш, мотивация килиш, мулокот маданиятидан самарали фойдаланиш тажрибаси каби кўникмаларни ўрганиб бордим.
Стажировка давомида банк фаолиятини ўрганиш, таҳлил килиш натижасида куйидаги хулоса ва таклифларни тайёрладим.
Энг аввало шуни айтиб ўтиш лозимки, тижорат банкларига хусусий капитални жалб этилмас экан, уларни тез суръатларда ривожланиши кийин масалалигича колиб кетиши мумкин. Шу жиҳатдан оладиган бўлсак, тижорат банкларида Давлатнинг улушини имкон кадар пасайтириш яхши натижаларга олиб келади. Давлат тижорат соҳасида иштирок этиши яхши амалиёт эмас. Бунда банк активларидан самарали фойдаланиш даражаси тушиб кетади. Давлатники -бу хеч кимники деганидир.
Шунингдек, банкларга стратегик ривожланиш ва жараёнларни тезлаштириш учун илгор халкаро банк амалиёти тажрибаларидан фойдаланишимиз керак. Бу, албатта, тижорат банкларини ривожланишига, охир-окибат бутун иқтисодиётни ривожланишига хизмат килади.
Бугунги кунда республикамиздаги тижорат банклари ўртасидаги рақобат кундан кунга кучайиб бормоқда. Бу албатта ижобий холат бўлиб банкларнинг хизмат кўрсатиш сифатини ошишига, хизматлар нархини пасайишига ва хизматлар турини кенгайишига ва охир оқибат истеъмолчиларга манфаат олиб келади. Лекин ушбу талабларга жавоб бериш ва ракобатбардошлигини ошириш борасида хозирда барча тижорат банкларидаги каби Миллий банкда унинг айрим филиалларида хам асосий муаммолар сифатида қуйидагиларни келтиришимиз мумкин:
юридик шахсларнинг кредит буюргмаларини куриб чикишнинг механизмининг мураккаблиги;
банк мижозларининг банкка бўлган ишончи пастлиги; муаммоли кредитлар қолдигининг юқорилиги;
банк фаолиятига талукли бўлмаган иш ва топширикларнинг кўплиги;
банк департаметлари ўртасидаги ўзаро ҳамкорлик ва ягона мақсадда биргаликда ҳаракат килиш яхши йўлга кўйилмаганлиги;
бошкарувни кўпрок марказлашганлиги сабаб тезкор қарорларни кабул қилиш кийинлиги ва бошкалар.
Ушбу муаммоларнинг ечимлари сифатида қуйидаги таклифларни келтириш мумкин:
1. Энг аввало банк секторидаги давлат улушини қисқартириш лозим, банкни хусусийлаштириш керак. Хозирги кунда Ўзбекистон Республикаси банк секторининг 80 фоизи давлатга тегишли. Бу салбий кўрсаткич бўлиб, банк тизими ривожланишини секинлаштиради.
2. Кредит беришда марказлашганликни камайтириш мақсадида худудий бўлимларда бош банкнинг ишончлик вакили штат бирлигиги кирувчи, кредит аризаларини кўриб чиқишда бош банк ходими вазифасини бажарувчи маъсул мутахассис лавозимини жорий килиш лозим.
3. Банклар томонидан кредит қарздорликларни ундириш билан боглиқ хатарларни камайтириш ҳамда суд харажатларни олдини олиш мақсадида кредит карздорликларни тижорат банклари томонидан суддан ташқари (судга мурожаат қилмасдан) гаров мулкидан ундириш механизмини жорий этиш ва қонунчиликка тегишли ўзгартириш киритиш лозим.
4. Банклар томонидан берилган кредит карздорликларни ундириш жараёнида кредитнинг асосий қарзи учун фоизлар ҳисобланишини тўхтатиш тартибини жорий этиш (масалан, иктисодий судлар томонидан кредит карздорликни ўндириш хакидаги киритилган даъво аризасини кабул килган кундан бошлаб ёки банк томонидан активга "фоизларни ўстирмаслик" макомини берган пайтдан бошлаб).
5. Банк ходимларининг малака ва билим савияларини ошириб бориш мақсадида ривожланган мамлакатлар банкларига, ўкув муассасаларига мунтазам юбориш зарур. Бугунги кунгача 45 та мутахассис Хитой, Корея, Россия, Германия ва Қозоғистон давлатларининг йирик банкларида тажриба орттириб келган. Бу эса банк жами ходимларига нисбатан жуда кам.
6. Банкни ривожлантириш, ракамли трансформация килиш, банк хизматлари сифатини баҳолаш халкаро стандартларини жорий қилиш, “сирли мижоз” ўрганишларини давом килдириш.
7. Банк мижозларига қулайлик яратиш, банк хизматлари тезкорлиги ва сифатини ошириш мақсадида, мавжуд банк технологияси тизимини замонавий дастурий таъминотлар ва техник ускуналар билан таъминлаш, масофавий хизматларни кўпайтириш, “рақамли банк”, “smart” офислар тармоқларини кенгайтириш мақсадга мувофик бўлар эди.
Do'stlaringiz bilan baham: |
