Ўзбекистон республикаси президенти ҳузуридаги давлат бошқаруви академияси янги ўзбекистон – янгича дунёқараш

3.2.-расм. «Устоз-шогирд» тамойили асосида ҳунардмандчиликни ривожлантиришни давлат томонидан молиявий қўллаб-қувватлаш
Таҳлилларга кўра, ўтган давр мобайнида мазкур базага киритилган маълумотлар асосида фуқароларни моддий томондан таъминлаш, ишга жойлаш, янги касбга қайта тайёрлаш, имтиёзли кредит ва субсидиялар бериш, шахсий томорқадан самарали фойдаланиш имкониятларини яратиш каби ишлар амалга оширилди.
Ўзбекистонда камбағаллик даражасини қисқартириш борасидаги чора-тадбирларни молиялаштириш учун Молия вазирлиги ҳузуридаги Инқирозга қарши курашиш жамғармаси ҳисобидан 2020 молия йилида 100,0 млрд. сўм маблағ ажратилди.
Юқорида келтирилган маълумотлар асосида хулоса қиладиган бўлсак, жамиятда камбағалликнинг мавжуд бўлиши объектив ҳолатдир. Сабаби, бозор иқтисодиёти талаб ва таклифдан келиб чиқиб шаклланади. Инсонлар эҳтиёжлари турмуш шароити яхшиланиб бориши, даромадининг ортиб боришига қараб ўзгариб туради. Бугунги кунда зарур бўлган қайсидир маҳсулот ёки хизмат, ё ишга бўлган талаб эртага бўлмаслиги мумкин, худди шунингдек, айрим касб эгаларида ҳам шундай ҳолатлар учрайди. Пировард натижада, ушбу соҳада фаолият юритувчи зарур даромад манбаига эга бўлмайди ва камбағалликка дучор бўлади. Шу боис, халқаро ташкилотлар, ривожланган давлатлар камбағалликка қарши кураш, уни қисқартириш бўйича амалий чоралар кўради.
2021 йилдан бошлаб республикада камбағалликни қисқартириш бўйича чора-тадбирлар изчил амалга оширилади. Камбағал аҳолининг асосий эҳтиёжлари кафолатли таъминланади.

Бир ҳақиқатни аниқ тушуниб олишимиз керак – камбағаллик масаласи кредит, ижтимоий нафақа ёки уй бериш билан ўз-ўзидан ҳал бўлиб қолмайди. Бунинг учун таълим, соғлиқни сақлаш, касб-ҳунарга ўқитиш, ичимлик сув, энергия ва йўл инфратузилмаси билан боғлиқ комплекс муаммоларни ҳал этиб бориш керак.
Шавкат МИРЗИЁЕВ
Халқаро экспертлар билан чуқур таҳлил асосидаги ҳисоб-китоблар якунига етказилмоқда. Келгуси йил 1 мартдан бошлаб аҳолининг минимал истеъмол харажатлари миқдори эълон қилинади.
Минимал истеъмол харажатлари юзасидан қўшни давлатлардаги ҳолатга эътибор қаратмоқчимиз. Масалан, Қозоғистонда яшаш минимуми жорий этилган бўлиб, 31 982 тенге (783 000 сўм)ни ташкил қилади⁹.
Республикада камбағалликни қисқартиришда «мотивация, кўникма ва молиявий кўмак» тамойили асосида янги механизм жорий этилиши белгиланди. Камбағалликдан чиқиб кетиш учун энг муҳим омил – бу инсоннинг интилиши, ўз кучига таянган ҳолда, аниқ мақсад сари ҳаракати ҳисобланади.