Zbekiston respublikasi oliy va o ‗ rta maxsus ta`lim vazirligi

«Bu bo„ston sahnida gul ko„p, chechak ko„p»

 misrasiga hamohang fikr keltiriladi:  

   

She`riyat dunyosi keng: gulzori ko‗p, bo‗stoni ko‗p, 

   

Har ko‗ngil arzini aytur, neki bor imkonida. 

Bu  Hazrat  Navoiy  satrlaridagi  mazmunni  o‗zlashtirish sanalmaydi, aksincha, 

Mir  Alisher  timsolini  talqin  qilishda  hazratning  o‗z  estetik  qarashlaridan 

foydalanish  hisoblanadi.  Bu  usul  orqali  shoir  timsoli  talqinidagi  chizgi  yanada 

tiniqroq  tasvirlanadi  va  birinchi  baytning  ikkinchi  – 

«Kulmangiz,  ne  bor  senga, 

deb, Mir Alisher yonida»

 misrasidagi botiniy ma`noni anglab olishda g‗azalxonga 

yordam beradi. 

Uchinchi baytda shoir dastlab Mir Alisher timsoli talqinidan uzoqlashgandek 

tuyuladi: 

   

Eymunaqqid, seng‗azalniko‗hnadebkamsitmagil, 

   

Sevgi ham Odam Atodan qolgan inson qonida. 

Lekin  chuqurroq  e`tibor  berilsa,  20-30-yillarda  Navoiy  shaxsiga  bo‗lgan 

noilmiy  munosabat,  aruzni  yangi  davr  uchun  keraksizligini  e‘lon  qilganlar  ham 

munaqqidlar edi.Aruzni rad etish g‗azalni rad etishga, bu esa shu mulkning sultoni 

Navoiyning  bizga  zamondoshligini  tan  olmaslikka,  Navoiy  ijodining  mohiyatini, 

uning  olamshumul  ahamiyatini  mensimaslikka  olib  boradi.  Bu  borada  qilingan 

xatoning  esa  katta-kichigi  bo‗lmaydi.  E.Vohidov  ulug‗  shoirimiz  hamda  uning 

ardoqli mulki – g‗azalni himoya qilish va o‗z harakatini dalillash uchun Odam Ato 

va Momo Havvo haqidagi rivoyat chizgisini o‗z o‗rnida o‗rinli qo‗llaydi. 

To‗rtinchi  baytning  mazmuni  Hazrat  Navoiy  iste`dodining  yana  bir  qirrasini 

ochishga qaratilgan:  

---

74 

 

   

Toshga ham shirin g‗azal baxsh aylagay otash va jon, 

   

Shavq o‗ti yonsa agar shoir – g‗azalxon qonida. 

Darhaqiqat, shoir Navoiyning toshga ham otash va jon baxsh etadigan, qonida 

shavq o‗ti yongan g‗azallar muallifi ekanligini isbotlayapti. Bu Navoiyning badiiy 

timsoli talqinidagi yangi va asl tashbeh sanaladi. 

Beshinchi bayt ham mazmun-mohiyati bilan bevosita Navoiy timsoli talqiniga 

aloqador:  

   

Rost, g‗azal avjida barcha Oy ila Zuhro emas, 

   

Ko‗p erur somonchilar ham she`riyat osmonida. 

Hazrat  Navoiyning  badiiy-estetik  qarashlariga  xos  xususiyatlarni  qarab 

chiqqanimizda,  uning  g‗azal  mukammalligi  yo‗lida  har  qanday  nuqson  va 

kamchiliklarni ro‗y-rost, u yoki bu muallifning obro‗-e`tiboridan qat‘i nazar, ochiq, 

xolislik  bilan ta`kidlab  o‗tganligiga  shohid  bo‗lamiz. Baytda  Mir  Alisherning  ana 

shu  qarashiga  ishora  bor  bo‗lib,  g‗azalnavis  shoirlar  timsoli  uchun  Oy,  Zuhro 

yulduzi va somonchi(Somon yo‗lidagi xira yulduz)lar istiora sifatida olingan.  

   

Do‗stlarim, shoir demang, Erkin g‗azal shaydosidur, 

   

Yosh dengu, ma‘zur tuting, sahv o‗lsa gar devonida. 

Navoiy  timsolining  poetik  talqiniga  taalluqli  bunday  chizgilar  E.Vohidov 

o‗rtaga  tashlagan  yuksak  g‗oyaviy-estetik  talablar  zaminida  vujudga  kelganligini 

adabiyotshunos N.Ahmedov o‗z tadqiqotida shoirning «Javohirga bergisiz boylik» 

maqolasidan  olingan  quyidagi  mulohazalari  bilan  tasdiqlaydi:»Navoiy  shunday 

ulkan  cho‗qqiki, undan  uzoqlashgan  sari  mahobati  ko‗proq  namoyon  bo‗ladi.  Biz 

bu  cho‗qqiga  zinhor  ortimizda  qolgan  darajada  deb  emas,  doimo  oldinda  turgan, 

biz  doimo  intilib  yashaydigan  yuksaklik  deb  qaraymiz…  Navoiyning 

san`atkorligiga  faqat  hayratlanish  mumkin.  Uning  she`riyati  mo‗‘jiza  darajasida» 

[4, 237-238].  

Har  bir  shoirni  Navoiyning  badiiy  talqini  mavzusiga  qayta-qayta  murojaat 

etishga  chorlayotgan  sabab  ulug‗  shoirning  ijoddagi  va  inson  sifatidagi 

barkamolligi, asarlaridagi umuminsoniy g‗oyalar talqini sanaladi. 

XX  asr  o‗zbek  she`riyatini  ikki  zabardast  shoir  –  Erkin  Vohidov  hamda 

Abdulla Oripovlar ijodisiz to‗laligicha tasavvur qilib bo‗lmaydi. Bu atoqli shoirlar 

o‗z ijodida, shubhasiz, zamonasida o‗zbek adabiy tilini yangi taraqqiyot bosqichiga 

ko‗targan  zot  –  Hazrat  Navoiy  timsoliga  murojaat  qilmasliklari  mumkin  emas 

edi.Ular  o‗z  she`rlarida  Navoiyning  badiiy  timsolini  millat,  ruhiyat,  dunyoqarash 

ifodasi  darajasiga  chiqara  oldilar.  Jumladan,  E.Vohidov  1968yilda  yozgan 

«O‗zbegim» qasidasida shunday yozadi:

 

   

Mir Alisher na`rasiga aks-sado berdi jahon, 

   

She`riyat mulkida bo‗ldi shohu sulton, o‗zbegim [3, 123]. 

Darhaqiqat,  Hazrat  Navoiy  Husayn  Boyqaro  ta‘biri  bilan  aytganda,  turk 

(o‗zbek)  tilining  o‗lgan  jasadiga  tiriltiruvchi  nafaslari  (Masih  anfosi)  bila  ruh 

kiritgan  va  u  ruh  topganlarga  turkiy  oyin  so‗zlarning  tola  va  ipagidan  to‗qilgan 

harir  libos  kiydirgan»  zot  sanaladi.  Uning  na`rasiga,  ya`ni  turkiy  tilda  yozgan 

asarlariga butun jahon aks-sado berdi – o‗z zamonasidan to hozirgi kungacha uning 

g‗azallariga  tatabbu‘lar,  muxammaslar  yozildi,  tazminlar  bog‗landi,  tazkira  va 

---

75 

 

dostonlariga  ergashib  yaratilgan  asarlar  paydo  bo‗ldi,  uning  ijodi  nafaqat  turkiy 

xalqlar,  balki  forsiy  zabon  xalqlar,  farang,  ingliz,  rus,  gruzin  kabi  jahon  xalqlari 

ilm  ahllari  tomonidan  o‗rganildi,  ilmiy  tadqiq  qilindi  va  bu  jarayon  hozirgacha 

davom  etmoqda.  Shoir  ushbu  baytida  Navoiy  va  u  orqali  shunday  daho  shoirni 

etishtirgan  o‗zbek  xalqi  haqli  ravishda  she`riyat  mulkida  shoh,  sulton  darajasiga 

etganligini tasvirlaydi. Shu birgina bayt orqali shoir Navoiy dahosini millat ifodasi 

darajasiga ko‗targan.Sobiq mustabid tuzum hukmronligi sharoitida E.Vohidovning 

bu baytini ham badiiy jasorat namunasi, deb ayta olamiz. 

Shoir  E.Vohidovning  «Alisher  Navoiy  kemasi»  [3,179-180]  deb  nomlangan 

she`ri 1977 yilda, shoirning Kanadaga sayohati davomida «Alisher Navoiy» nomli 

kemani  uchratishi  natijasida  yuragida  jo‗sh  urgan  faxr  va  iftixor  tuyg‗ularining 

badiiy in‘ikosi sifatida yaratilgan: 

   

Azaliy davrida charx uradi Er, 

   

Mushtariy azaldek chaqnab turipti… 

   

Besh asr so‗ngida buyuk Alisher 

   

Bahri muhit aro kezib yuripti.

 

Uzoq Sharq sohillarida sayohat qilayotgan shoir Bahri muhitda suzib yurgan 

«Alisher  Navoiy»  nomli  kemani  ko‗rib  qolib,  bundan  ruhiyatida  vujudga  kelgan 

kechinmalarni shunday tasvirlaydi: 

   

Tiriklikda charxdan topmagan omon, 

   

Boshiga g‗am gardin yog‗dirgan falak – 

   

Dahr aro tanhoyu zoru sargardon 

   

Qalqib bormoqdadur beorom yurak. 

Lirik  qahramon  ummonda  suzib  borayotgan  kemani  kuzatar  ekan,  beixtiyor, 

uni  «o‗z  zamonasida  aqlning  qudratiga  va  aqlning  g‗alaba  qilishi  orqali  jaholat, 

nodonlik va zulmning bartaraf qilinishiga chin yurakdan ishongan» [5, 140] Hazrat 

Navoiyni  esga  oladi.  Uning  yurt  tinchligi,  xalq  farovonligi  yo‗lida  olib  borgan 

ishlari va bu yo‗lda unga nisbatan qarshiliklarga mardonavor turgan inson timsolini 

quyidagi bandda betakror tasviriy vositalar orqali ifodalaydi:  

   

Achchiq to‗lqinlarga ko‗krak uradir 

   

Umrida halovat topolmagan jon, 

   

Jahon ummonida kezib yuradir 

   

Dolg‗ali ham sokin jahoniy ummon.

 

Jahon  ummonida  achchiq  to‗lqinlarga  ko‗krak  urib  kezib  yurgan  Hazrat 

Navoiy  nomi  bilan  ataladigan  kema  shoir  taxayyulida  xalq  baxt-saodati  yo‗lida 

halovat topmagan jon, hayot past-balandliklari-yu, zarbalariga dosh bergan buyuk 

shoirni  gavdalantiradi  va  uni  goh  tashvishli,  goh  sokin  jahoniy  ummon  deya 

ta‘riflaydi. 

   

Ulug‗lar bastida o‗ychan bir shukuh, 

   

Kilkidan to‗kilgan g‗azaldek boqiy, 

   

Besh asr so‗ngida kema bo‗lgan ruh, 

   

Besh qit‘a oralab kezar Navoiy. 

Bu  bandda  shoir  Navoiy  ijodining  asrlar  osha  barhayotlik  kasb  eta  borishini 

o‗ziga xos badiiy usul bilan tasvirlaydi, ya`ni shartli-poetik aks ettirish tamoyiliga 

---

76 

 

amal  qilib,  shoir  asarlari  g‗oyalarining  barhayotligini  ifodalash  uchun  hazrat 

Navoy ruhini XX asrga, besh qit‘a oralab kezib yurgan kemaga ko‗chiradi. Bu yo‗l 

bilan  buyuk  shoir  asarlari  va  ularda  ko‗tarilgan  g‗oyalarning  besh  qit‘a  –  butun 

jahon bo‗ylab tarqalganini tasvirlaydi. 

She`rda  o‗tgan  asrning  70-yillariga  xos  hayotni  o‗ta  ko‗tarinki  ruhda  madh 

etish  ruhi  etakchilik  qiladi.Bu  holat  o‗sha  davrdagi  aksariyat  she`rlarga  xos 

xususiyat  sanaladi.Shunga  qaramay,  unda  Navoiy  shaxsiyati  bevosita  unga 

aloqador  bo‗lmagan  narsa  –  uning  nomi  bilan  ataladigan  kema  vositasida  buyuk 

shoirni ulug‗lash niyati muhim ahamiyat kasb etadi. 

She`r  boshlanmasi  tugallanmada  aynan  takrorlanib,  o‗ziga  xos  originallikni 

yuzaga  keltirgan.  Undagi  to‗liq  poetik  shartlilik  ruhi  (Navoiy  ruhining  kemada 

namoyon  bo‗lishi)  kemaning  shoir  dastlab  uchratgan  Uzoq  Sharq  sohillaridan 

boshlanib,  G‗arbiy  yarim  shardagi  Kanadaning  Vankuver  shahrigacha  dengizda 

bosib  o‗tgan  yo‗li  buyuk  shoirning  besh  asrlik  yo‗li  va  undagi  shoir  hayoti, 

ruhiyatidagi qat‘iylik tasviriga aylantirib yuboradi. 

Foydalangan adabiyotlar: 

1. Ahmedov N. Mangu barhayot obraz. – T., // Sharq yulduzi, 1988, 4-son.  

2. Ahmedov N. Tarixiy shaxs talqini. – T., G‗.G‗ulom nomidagi Adabiyot va 

san`at nashriyoti, 1989, – B.81.  

3. E.Vohidov. Kuy avjida uzilmasin tor. – T., G‗.G‗ulom nomidagi nashriyot. 

2004. 

4. Oybek. Buyuk gumanist G‗MAT.19 tomlik. – T., Fan, 13-tom, –B.237-238.  

5. X.Yoqubov. Oybek. – T., Badiiy adabiyot nashriyoti, 1960, –B.140.