Ўзбекистон республикаси олий ва

Darsmashg`ulotiga nisbatan qo'yiladigan pedagogik talablar.

Darsmashg`uloti turlari va tuzilishi

Darsmashg`uloti didaktika tamoyiliga muvofiq ta'lim va tarbiyaning birligiga asoslangan holda olib borilishi kerak. Buning ma'nosi shuki, o'qituvchi har bir darsmashg`ulotida talabalarga ham ta'lim beradi, ham tarbiya beradi.

Dars mashg`ulotining ta'lim berish vazifasi o'quv dasturida ko'rsatilgan, talabaning darsda o'zlashtirishi lozim bo'lgan aniq bilim, ko'nikma va malaka bilan belgilanadi.

Dars mashg`ulotining tarbiyaviy vazifasi, dars mashg`uloti materialining mazmuni, uning g'oyaviy yo'nalishi, turmush bilan, mehnat bilan, huquqiy-demokratik jamiyat qurish amaliyotga bog'lanishi bilan belgilanadi. Ta'limning tarbiyaviy xarakteri dars mashg`uloti materiali mazmunining ilmiy va g'oyaviy puxtaligi bilangina emas, balki dars mashg`ulotining tashkil etilishi, metodikasi, shuningdek, o'qituvchining shaxsi bilan ham belgilanadiki, o'qituvchi talaba shaxsiga nisbatan ayniqsa katta ahamiyatga ega bo`lgan muommolarni hal etadi. Dars mashg`ulotida va bilimlarni o'zlashtirish jarayonida talabalarning diqqat, xotirasi, tafakkuri rivojlanadi, mehnat intizomiga rioya qilish ko'nikmasi takomillashadi.

Ta'limning natijaviyligini oshirish Oliy ta’lim taraqqiyotining hozirgi bosqichida eng muhim masalalardan biri bo'lib, bu masala sohasida ko'pgina ilg'or novator o'qituvchilar ijodiy ishlar olib borganlar.

Ta'limning muvaffaqiyati avvalo har bir darsning to'g'ri tashkil etilishiga bog'liqdir. Shuningdek, butun guruh va ayrim talabalarning materialni o'zlashtirishga qanchalik tayyorlanganligiga, materialni o'rganish va mustahkamlash yuzasidan mustaqil ishlari qanday tashkil etilganligiga ham bog'liqdir.

Har bir darsmashg`uloti maksimal ta'lim beradigan bo'lishi kerak. Ta'lim jarayonida darsmashg`ulotini ko'rgazmali olib borish yo'li bilan talabalar tafakkurini faollashtirish lozim.

Darsmashg`ulotida ta'limningxilma-xil metodlaridan foydalanish zarur. Xilma-xil metod va usullardan foydalanish texnik oliy ta’lim muassasalarida ayniqsa katta ahamiyatga ega ekanligini unutmaslik kerak.

Mustaqil ishni tashkil etishda talabalar tafakkurini doimo takomillashtirib borish ko'zda tutiladi.

Mustaqil ish talabalarning kuchi va imkoniyatiga (qobiliyatiga)muvofiq bo'lishi lozim. Mustaqil ishlash ko'nikmasi birinchi sinfdan boshlaboq tarbiyalanadi. Boshlang'ich sinf talabalari tabiatni kuzatishlari, masalalar yechishlari, mashqlar bajarishlari va amaliy ishlar qilishlari mumkin. Mustaqil ish bilimni egallashga ijodiy yondoshish qobiliyatini o'stiradi.

Ma'lumki, o'qituvchi talabalarni mustaqil ishga o'rgatish zarur tayyorgarlik ishlarini oldindan olib boradi.

O'qituvchi dars mashg`ulotida butun guruh bilan ishlashi va shu bilan bir vaqtda o'z ishini talabalarning individual ishi bilan bog'lashi lozim.

Dars mashg`ulotida talabaga individual munosabatda bo'lish degan so'z shundan iboratki, o'qituvchi har bir talabaning o'ziga xos xususiyatini bilib olib, ta'lim jarayonida buni e'tiborga oladi.

Masalan, o'qituvchi diqqati beqaror bo'lgan talabalarning psixologik holatini nazarda tutib dars jarayonida ularga tez-tez savollar berib turadi. Darsmashg`ulotiningsamarali bo'lishi uchun vaqtdan rejali foydalanish ham katta ahamiyatga ega – darsmashg`uloti o'z vaqtida, kechiktirilmasdan o'tkazilishi lozim.