Ўзбекистон республикаси олий ва урта махсус таьлим вазирлиги навои кон металлургия комбинати

IV. ИҚТИСОДИЙ ҚИСМ


4.1.Техник- иқтисодий кўрсаткичлар.
Электр таъминотини лойиҳалашда электр энергия истемолчиларини сифатли ва ишончли таъминотни амалга ошириш учун техник- иқтисодий кўрсаткичлар ва иқтисодий тежамкорлик муҳим ўринни эгаллайди.
Ҳисоблашлар жараёнида техник -иктисодий кўрсаткичлар аниқланади ва танланади. Электр иншоатлари учун сарфланувчи капитал маблағлар ҳам иқтисодий кўрсаткичлардан бири ҳисобланади. Яна бир муҳим кўрсаткич бу йиллик эксплуатация харажатларидир, бунга йиллик амортизация, хизмат кўрсатиш, жорий тамирлаш учун сарфланадиган ва энергия исрофи учун кетадиган харажатлар киради.
Амортизация харажатлари кўйидагича ҳисобланади
U_a = E_a К
Бу ерда E_a – йиллик амортизация коэффициенти, унинг қиймати тармоқ элементларига қараб турлича белгиланади.
К – элемент қурилмаси ёки иншоат нархи, минг сўм.
Хизмат кўрсатиш ва жорий таъмирлаш учун сарф харажатлар
U_хк = E_хк К
Бу ерда E_хк - хизмат кўрсатиш ва жорий таъмирлаш йиллик коэффициенти .
Энергия исрофи учун харажатлар қўйидагича ҳисобланади
U_пэ = ∆W m

Бу ерда ∆W – йиллик энергия исрофи кВт соат

m – 1 кВт соат энергияни йиллик нархи.
Йиллик эксплуатация харажатлари
U_э = U_а + U_хк +U_пэ
Электр таъминотининг кўриб чиқилган вариантларида ҳисоблаш натижаларига асосланиб мақсадга мувофик иқтисодий самарадор вариантни аниқлаш қийин бўлган шароитларда иккала вариантларни таққослаш усулидан фойдаланиш мумкин.
Бу усулда харажатларни қоплаш муддати қўйидагича аниқланади
Т_к = (к₂ – к₁) / (U_э1 + U_э2) [йил]
Ҳисоблаш тартиб қоидаларига асосан номинал қоплаш муддати Т_к = 7—8 йил тенг бўлади.
Техник иқтисодий кўрсаткичларнинг яна бир тури келтирилган йиллик сарф харажатлар бўлиб, у якуний сарф харажатлар сифатида қўйидагича аниқланади
З_кҳ = E_н К + U_э
Бу ерда Е_н = 0.125 га тенг бўлиб, меъёрий коэффициент ҳисобланади.