Ўзбекистон Республикаси Олий ва ўрта

SAN’AT TURLARI VA JANRLARI
San’at – estetik tadqiqot ob’ektining umumiy nomi, mushtarak tushuncha. Xususiy tushuncha sifatida u voqelikni go‘zallik va xunuklik, ulug‘vorlik va tubanlik kabi qadriyatlar va aksilqadriyatlar orqali muayyan xil, tur hamda janrlar doirasida in’ikos ettiradigan badiiy ijod mahsulini anglatadi. SHu bois san’atni xil, tur va janrlarga bo‘lib, estetik tadqiq etish odat tusiga aylangan. Biroq ana shu «bo‘lib o‘rganish», ya’ni tasniflashtirish, turkumlashtirish bir qarashda osondek ko‘rinsa=da, aslida estetikadagi murakkab va chalkashliklarga to‘la muammo sanaladi. Bu borada o‘nlab nuqtai nazarlar bor. Biz hammasini bir chekkadan tahlildan o‘tkazish imkoniga ega emasmiz va bunga hojat ham yo‘q, faqat ular orasida muhim deb hisoblaganlarimizni umumiy tavsiflash bilan cheklanamiz.