Ўзбекистон республикаси олий ва ўрта таълим вазирлиги тошкент тиббиёт академияси

Тузувчилар: Проф. Нажмутдинова Д.К. Доц. Урунбаева Д.А. Ст.преп. Садикова Н.Г.

Тақризчилар:
Шагазатова Б.Х.		ТТА “УАШ тайёрлаш, эндокринология” кафедраси профессори, т.ф.д.
Хайдарова Ф.А.		РИИАТЭМ директор ўринбосари т.ф.д.

КИРИШ

Ушбу дастур Ўзбекистон Республикаси Олий ўқув юртлари магистратурага қабул қилиш Низомига асосан тузилган бўлиб, 5А510102 –Эндокринология мутахасислигига 5510100 - даволаш иши бакалавриат таълим йуналишлари ўқув дастури асосида магистратурага ўқишга кирувчиларни мутахассисликка оид назарий билимларини ва амалий кўникмаларини, фикрлаш даражасини аниқлашга қаратилган.

Магистратура олий таълимнинг юқори босқичи бўлиб, талабани илмий, педагогик ва амалий фаолиятларига йўналтиришга қаратилган. Шу боисдан “Эндокринология” мутахасислиги бўйича магистратурага кирувчилар эндокрин касалликлари диагностикаси, даволаш, реабилитация ва профилактикасини амалга ошириш, шунингдек касаллик асоратларини даволаш ва олдини олишда замонавий тиббий технологиялар, эндокринология соҳасидаги охирги ютуқлардан фойдаланган ҳолда иш юритувчи юқори малакали мутахассис тайёрлашдир. Дастурдан ўрин эгаллаган билимлар ва мавзулар даволаш иши бакалавриат таълим йуналишлари оид барча асосий фанларни қамраб олган.